పుష్ప మూవీతో నేష‌న‌ల్ క్ర‌ష్ గా మారారు ప్ర‌ముఖ న‌టి రష్మిక మంద‌న్నా. అర్జున్ రెడ్డి చిత్రంతో టాప్ డైరెక్ట‌ర్స్ లిస్టులో చేరారు వంగా సందీప్ రెడ్డి. ప్ర‌స్తుతం ఆయ‌న నేరుగా హిందీలో యానిమ‌ల్ పేరుతో సినిమా తీస్తున్నాడు.
షూటింగ్ శ‌ర వేగంగా కొన‌సాగుతోంది. భారీ బ‌డ్జెట్ తో పాన్ ఇండియా మూవీగా తెర‌కెక్కుతోంది. ఇప్ప‌టికే విడుద‌ల చేసిన పోస్ట‌ర్స్ కెవ్వు కేక అనిపించేలా ఉన్నాయి. సోష‌ల్ మీడియాను షేక్ చేస్తున్నాయి.
సందీప్ రెడ్డితో పాటు సౌర‌భ్ గుప్తా ఈ సినిమా కోసం క‌థ రాశారు. భూష‌న్ కుమార్ , మురాద్ ఖేతాని, అశ్విన్ వ‌ర్దే , ప్ర‌ణ‌య్ రెడ్డి వంగా , సందీప్ రెడ్డి వంగా ఈ చిత్రాన్ని నిర్మించారు.
ఇక యానిమ‌ల్ చిత్రంలో కీల‌క పాత్ర పోషించారు ర‌ణ బీర్ క‌పూర్ , రష్మిక మంద‌న్నా. అమిత్ రాయ్ ఛాయా గ్ర‌హ‌ణం అందించగా స‌చేత్ ప‌రంప‌ర , మిథుల్ , అమాల్ మాలిక్ , విశాల్ మిశ్రా, మ‌న‌న్ భ‌ర‌ద్వాజ్ అందించారు.
టి సిరీస్ ఫిలిమ్స్ , భ‌ద్ర‌కాళి పిక్చ‌ర్స్ , సినీ 1 స్టూడియోస్ స‌మ‌ర్పిస్తోంది యానిమ‌ల్ సినిమాను. ఈ సినిమా కోసం ఏకంగా రూ. 100 కోట్లు ఖ‌ర్చు చేస్తుండ‌డం విశేషం. ఇక తాజాగా రష్మిక మంద‌న్నా తో కూడిన పోస్ట‌ర్ హ‌ల్ చ‌ల్ చేస్తోంది.