Ram Gopal Varma : వివాదాస్పద దర్శకుడిగా గుర్తింపుపొందిన రామ్ గోపాల్ వర్మ… ‘వ్యూహం’ సినిమా నిర్మాత దాసరి కిరణ్‌కుమార్‌ పుట్టిన రోజు వేడుకలో సందడి చేసాడు. సాధారణంగా ఇటువంటి కార్యక్రమాలకు దూరంగా ఉండే ఆర్జీవి… నిర్మాత దాసరి కిరణ్ కుమార్ ను స్వయంగా తన డెన్ కు ఆహ్వానించి… నిలువెత్తు పూలమాలతో సత్కరించాడు. అనంతరం ఈ ఫోటోలను తన సోషల్ మీడియా వేదికలపై పోస్ట్ చేసాడు. ప్రస్తుతం ఈ ఫోటోలు నెట్టింట వైరల్ గా మారుతున్నాయి.
Ram Gopal Varma Viral
రామదూత క్రియేషన్స్‌ అధినేత నిర్మాత దాసరి కిరణ్‌కుమార్‌, ప్రముఖ దర్శకుడు రామ్‌గోపాల్‌ వర్మ(Ram Gopal Varma) కాంబోలో ప్రస్తుతం ‘వ్యూహం’, ‘శపథం’ సినిమాలు తెరకెక్కుతున్నాయి. ఇందులో తొలి భాగమైన ‘వ్యూహం’ మూవీ విడుదలకు సిద్ధంగా ఉంది. అయితే ఫిల్మ్ సెన్సార్ బోర్డ్ నుండి ఈ సినిమాకు అనుమతి లభించకపోవడంతో… సినిమా విడుదల వాయిదా పడుతోంది. దీనితో ఈ సినిమాను ఎలాగైనా విడుదల చేయాలని రామ్ గోపాల్ వర్మ పట్టుదలతో ఉన్నారు. తెలుగుదేశం పార్టీ అధినేత నారా చంద్రబాబు నాయుడిని టార్గెట్ చేసి పొలిటికల్ డ్రామాగా ‘వ్యూహం’, ‘శపథం’ సినిమాలను తెరకెక్కించినట్లు తెలుస్తోంది. ఈ నేపథ్యంలోనే ఈ సినిమా విడుదలను సెన్సార్ బోర్డు తాత్కాలికంగా అడ్డుకున్నట్లు సినీరాజకీయ వర్గాల్లో టాక్ నడుస్తోంది.
Also Read : Nayanthara: మాంసం తినడం పాపం కాదు అంటున్న నయనతార