Ram Charan : రామ్ చరణ్ ‘RRR’ సినిమాతో గ్లోబల్ స్టార్ గా ఎదిగిన సంగతి తెలిసిందే. పాన్ ఇండియా స్టార్ హీరోల్లో రామ్ చరణ్ టాప్ లీగ్ లో ఆడుతున్నాడు. ప్రముఖ దర్శకుడు శంకర్‌ దర్శకత్వంలో ప్రధాన పాత్రలో తెరకెక్కుతున్న ‘గేమ్‌ ఛేంజర్‌’ కోసం ఇప్పుడు అందరూ ఆసక్తిగా ఎదురుచూస్తున్నారు. తెలుగు, తమిళం, హిందీ భాషల్లో ఈ సినిమా విడుదల కానుంది. దీంతోపాటు బుచ్చిబాబు, సుకుమార్ దర్శకత్వంలో సినిమాలను కూడా ప్రకటించారు.
Ram Charan Birthday Celebrations
రామ్ చరణ్ పుట్టిన రోజు చాలా స్పెషల్. దీంతో మెగా ఫ్యాన్స్ స్టైల్ గా సంబరాలు చేసుకుంటున్నారు. అందులో భాగంగా గ్లోబల్ స్టార్ రామ్ చరణ్ అభిమానుల బృందం ప్లానో (డల్లాస్)లోని స్పైస్ రాక్ రెస్టారెంట్‌లో పుట్టినరోజు వేడుకలను జరుపుకుంది.
“మెగాస్టార్ చిరంజీవి భారతీయ చిత్రసీమలో లెజెండ్ గా పేరు తెచ్చుకున్నారు. అయితే, చరణ్(Ram Charan) చాలా బాధ్యతతో నమ్మకాన్ని తిరిగి చెల్లించి టాప్ స్టార్‌గా ఎదిగాడు. రంగస్థలం, ఆర్‌ఆర్‌ఆర్‌ వంటి చిత్రాల్లో నటించి తన నటనను ప్రపంచానికి చాటిచెప్పారు. సినిమాలే కాదు, తండ్రి అడుగుజాడల్లో నడుస్తూ ఎన్నో సామాజిక సేవా కార్యక్రమాలు నిర్వహిస్తున్నారు. పుట్టినరోజు వేడుకలకు హాజరైన అందరూ రామ్ చరణ్.. “ఈ తరం యువ హీరోలకు ఆయన రోల్‌ మోడల్‌’’ అంటూ శుభాకాంక్షలు తెలిపారు.
చిట్టి ముత్యాల, మాజీ APTA చైర్మన్ శ్రీ నటరాజ్ యేలూరి, డల్లాస్ బాబీ, రాజేష్ కాలేపల్లి, శ్రీరామ్ మతి, సురేశ్ లింగినేని, కిషోర్ అనిశెట్టి, కిషోర్ గుగిరాపు, నరసింహ సతీ తదితరులు కార్యక్రమానికి ముఖ్య అతిథిగా హాజరయ్యారు. వెల్నాటి, సునీల్ తోట, సుధాకర్ అందె ఆప్త, నాగేశ్వర్ చందన, రత్నాకర్ జోనకూటి,అనిల్ చలమలశెట్టి తదితరులు హాజరయ్యి కేక్ కటింగ్ నిర్వహించారు.
Also Read : Siddharth-Aditi Rao : సిద్ధార్థ్ అదితీల పెళ్లిపై వస్తున్న వార్తలకు చెక్ పెట్టిన హైదరి