Ram Charan: ఆర్ఆర్ఆర్ సినిమా తరువాత గ్లోబల్ స్టార్ గా మరిన మెగా పవర్ స్టార్ రామ్ చరణ్ మరోసారి సోషల్ మీడియాలో ట్రెండింగ్ అవుతున్నారు. సెన్సేషనల్ డైరెక్టర్ శంకర్ దర్శకత్వంలో… టాలీవుడ్ మోస్ట్ సక్సెస్‌ ఫుల్ నిర్మాత దిల్ రాజు నిర్మిస్తోన్న ‘గేమ్ ఛేంజర్’ సినిమాలో చరణ్ నటిస్తున్నాడు. అయితే ఈ ‘గేమ్ ఛేంజర్’ కాస్తా గ్యాప్ ఇచ్చిన దర్శకుడ శంకర్ ప్రస్తుతం కమల్ హాసన్ హీరోగా భారతీయుడు సినిమాకు సీక్వెల్ గా తెరకెక్కిస్తున్న భారతీయుడు-2 సినిమా షూటింగ్, పోస్ట్ ప్రోడక్షన్ లో బిజీగా ఉన్నారు.
Ram Charan Viral
దీనితో ‘గేమ్ ఛేంజర్’ సినిమాకు సంబంధించి ఎటువంటి అప్‌డేట్స్ రాకపోవడంతో… చరణ్(Ram Charan) నెక్స్ట్ సినిమా RC16 ఫ్యాన్స్ ట్రెండ్ చేస్తున్నారు. ఉప్పెన ఫేం బుచ్చిబాబు సనా దర్శకత్వం వహిస్తున్న ఈ సినిమాలోని ఓ కీలక పాత్ర కోసం… చిత్ర యూనిట్ తనను సంప్రదించినట్లు కన్నడ స్టార్ హీరో శివరాజ్ కుమార్ ఇటీవల ఓ సినిమా ప్రమోషన్ కు ఇచ్చిన ఇంటర్వూలో చెప్పారు. దీనితో రామ్ చరణ్ సినిమాలో శివరాజ్ కుమార్ అంటూ ఆ వీడియోను షేర్ చేస్తున్నారు చెర్రీ అభిమానులు. ప్రస్తుతం ఈ వీడియో సోషల్ మీడియాలో ట్రెండింగ్ లోకి వచ్చింది.
‘గేమ్ ఛేంజర్’ తరువాత ‘ఉప్పెన’ దర్శకుడు బుచ్చిబాబు సనా దర్శకత్వంలో రామ్ చరణ్(Ram Charan) ఓ సినిమా చేస్తున్నట్లు ప్రకటించారు. RC16 పేరుతో తెరకెక్కనున్న ఈ సినిమాకు సంబంధించి ప్రస్తుతం నటీనటుల ఎంపిక జరుగుతోంది. ఆస్కార్ అవార్డ్ గ్రహీత ఏఆర్ రెహమాన్ ఈ సినిమాకు సంగీతం అందించబోతున్నట్లుగా ఇప్పటికే అధికారికంగా ప్రకటించారు. అలాగే ‘ఉప్పెన’ లో కీలక పాత్ర పోషించిన విజయ్ సేతుపతిని కూడా ఈ సినిమాలో నటించనున్నట్లు వార్తలు వచ్చాయి. ఇప్పుడు మరో స్టార్ కన్నడ యాక్టర్ శివరాజ్ కుమార్ పేరు RC16 విషయంలో వైరల్ అవుతోంది. అందుకే #RC16 హ్యాష్‌ ట్యాగ్ టాప్‌లో ట్రెండ్ అవుతోంది.
ఇటీవల సూపర్ స్టార్ రజినీకాంత్ ప్రధాన పాత్రలో తెరకెక్కించిన ‘జైలర్’ సినిమాలో ఓ గెస్ట్ రోల్ పోషించారు కన్నడ స్టార్ యాక్టర్ శివరాజ్ కుమార్. మంచు కుటుంబం ప్రతిష్టాత్మకంగా తెరకెక్కిస్తున్న కన్నప్ప సినిమాలో కూడా శివరాజ్ కుమార్ కీలక పాత్ర పోషిస్తున్నట్లు అధికారికంగా వెల్లడించారు. దీనితో రామ్ చరణ్ సినిమాలో కూడా శివరాజ్ కుమార్ నటిస్తారంంటూ అభిమానులు మందుగానే అభినందనలు తెలుపుతున్నారు. శివరాజ్ కుమార్ మాట్లాడిన వీడియోను పోస్ట్ చేస్తూ.. మెగా ఫ్యాన్స్ అందరూ… బుచ్చిబాబుని ప్రశంసలతో ముంచెత్తుతున్నారు. ‘గేమ్ ఛేంజర్’పై మాకు ఆశలు లేవు.. నువ్వు త్వరగా మొదలు పెట్టు అన్నా.. నీ క్యాస్టింగ్ సెలక్షన్ అదిరింది.. అంటూ ఫ్యాన్స్ ఈ వీడియోకు రియాక్ట్ అవుతున్నారు. ఫ్యాన్స్ రియాక్షన్స్‌తో RC16 ట్యాగ్ ట్రెండ్‌ని షేక్ చేస్తోంది.
Also Read : Hero Gopichand: పవర్ ఫుల్ గా గోపిచంద్ ‘భీమా’ టీజర్ !