దీపావళికి కానుకగా ‘గేమ్ ఛేంజర్’ సాంగ్
Ram Charan : గ్లోబల్ స్టార్ రామ్ చరణ్, పాన్ ఇండియా డైరెక్టర్ శంకర్ కాంబోలో శ్రీ వెంకటేశ్వర సినీ క్రియేషన్స్‌పై దిల్‌రాజు నిర్మిస్తున్న సినిమా ‘గేమ్ ఛేంజర్’. పొలిటికల్, యాక్షన్ థ్రిల్లర్ గా వస్తున్న ఈ సినిమా అప్ డేట్ కోసం ఎన్నో రోజులుగా ఎదురుచూస్తున్న అభిమానులకు చిత్ర యూనిట్ ఇటీవలే గుడ్ న్యూస్ చెప్పింది. దీపావళి కానుకగా ఈ సినిమాలోని జరగండి… జరగండి… అనే పాటను విడుదల చేయనున్నట్లు ప్రకటించింది. ఒకవైపు ఇండియన్-2 ప్రమోషన్… మరోవైపు గేమ్ ఛేంజర్ లిరికల్ సాంగ్ రిలీజ్ తో దర్శకుడు శంకర్ …. ఈ సినిమాపై అంచనాలను అమాంతంగా పెంచేస్తున్నారు. రామ్ చరణ్(Ram Charan) ద్విపాత్రాభినయంలో కనిపించనున్న ఈ సినిమాలో కియారా అడ్వాణీ హీరోయిన్‌గా కనిపించనుండగా అంజలి, శ్రీకాంత్‌, సునీల్‌, ఎస్.జె.సూర్య, సముద్రఖని, నవీన్‌ చంద్ర తదితరులు కీలకపాత్రలు పోషిస్తున్నారు.
Ram Charan – ‘జరగండి జరగండి’ పాట లీక్ చేసిన ఇద్దరిని అరెస్ట్ చేసిన పోలీసులు
రామ్ చరణ్-శంకర్ ల కాంబోలో ఎస్ ఎస్ థమన్ మ్యూజిక్ అందిస్తున్న‘గేమ్ ఛేంజర్’ కు సంబంధించి ‘జరగండి జరగండి’ అనేపాట కొద్ది రోజుల క్రితం సోషల్ మీడియాలో లీకైయింది. ప్రతిష్టాత్మక ప్రాజెక్టులోని కీలక పాట సోషల్ మీడియాలో లీకవడంతో ఆగ్రహం చెందిన నిర్మాత దిల్ రాజు దీనిపై సైబర్ క్రైమ్ పోలీసులకు ఫిర్యాదు చేసారు. నిర్మాత దిల్ రాజు ఫిర్యాదుపై కేసు నమోదు చేసి దర్యాప్తు ప్రారంభించిన హైదరాబాద్ సైబర్ క్రైమ్ పోలీసులు ఈ సాంగ్ లీకులకు సంబందించి ఇద్దరిని అరెస్ట్ చేసినట్లు తెలిపారు. వారిపై ఐటి చట్టంలోని పలు సెక్షన్ల క్రింద కేసు నమోదు చేసి దర్యాప్తు ప్రారంభించినట్లు చెప్పారు.
అయితే పొలిటికల్ యాక్షన్ థ్రిల్లర్ గా వస్తున్న ఈ సినిమాలో ‘జరగండి జరగండి’ అనే పాట కీలకమని… ఈ పాట సినిమాకే హైలెట్ అవుతందని చిత్ర యూనిట్ నుండి వస్తున్న సమాచారం. అంతేకాదు కేవలం ఈ ఒక్క పాట కోసం సుమారు 20 కోట్లు ఖర్చు చేసినట్లు టాక్ వినిపిస్తోంది. ఒక వైపు భారీ బడ్జెట్ పాట, మరోవైపు ఆల్ రెడీ లీకైన సాంగ్… అయితే ఈ రెండింటిని అధికమించి థమన్ ప్రేక్షకులను ఎలా మైమరపిస్తాడో తెలియాలంటే దీపావళి వరకు వేచిచూడాల్సిందే.
Also Read : Puspha-Salar: రామోజీ ఫిల్మ్ సిటీలో పుష్ప-2, సలార్