Rajinikanth : నేటితరం హీరోలతో పోటీపడుతూ సినిమాలు చేస్తున్నారు తలైవా రజనీకాంత్. తాజాగా ఆయన రాబోవు చిత్రాల గురించి అప్డేట్ ఇచ్చారు. కేరళలోని ఓ పెళ్లికి హాజరైన రజనీ(Rajinikanth) తిరిగి చెన్నై వస్తుండగా ఎయిర్‌పోర్ట్‌లో మీడియాతో మాట్లాడారు. కమల్‌హాసన్‌ తాజా చిత్రం ‘ఇండియన్‌ 2’నచ్చిందని ఆయన చెప్పారు. ‘ వేట్టయాన్‌’ వాయిదా వార్తలపై స్పందిస్తూ.. ‘‘ఈ చిత్రానికి ఇంకా విడుదల తేదీ ఖరారు కాలేదు. ప్రస్తుతం డబ్బింగ్‌ పనులు జరుగుతున్నాయి. అలాగే ‘కూలీ’ సినిమా చిత్రీకరణ శరవేగంగా జరుగుతోంది’ అని అన్నారు. ఈ సినిమా విషయానికొస్తే టి. జె. జ్ఞానవేల్‌ దర్శకత్వంలో ఇది రూపొందుతోంది. అమితాబ్‌ బచ్చన్‌, ఫహద్‌ ఫాజిల్‌, రానా కీలక పాత్రల్లో కనిపిస్తారు. ‘ కూలీ’ లోకేశ్‌ కనగరాజ్‌ దర్శకత్వంలో రానుంది. బంగారం స్మగ్లీంగ్‌ మాఫియా నేపథ్యంలో సాగే యాక్షన్‌ థ్రిల్లర్‌ ఇది. శ్రుతిహాసన్‌, సత్యరాజ్‌ ముఖ్య పాత్రధారులు. ఈ రెండు సినిమాల తర్వాత ‘జైలర్‌ 2’ కూడా పట్టాలెక్కనుంది.
Rajinikanth Movie Updates
అయితే ఇటీవల ఓ వేదికపై రజనీ ‘వేట్టయాన్‌’ గురించి మాట్లాడుతూ.. తన భాగం షూటింగ్‌ పూర్తయిందన్నారు. దసరాకు విడుదల చేసే అవకాశం ఉందని వెల్లడించారు. సూర్య నటిస్తున్న ‘కంగువా’ నిర్మాత ఓ ఇంటర్వ్యూలో మాట్లాడుతూ.. రజనీకాంత్ ‘వేట్టయాన్‌’ వాయిదా పడుతుంది కాబట్టే ‘కంగువా’ను దసరాకు విడుదల చేస్తున్నట్లు తెలిపారు. మరి ‘వేట్టయాన్‌’ విడుదల ఎప్పుడనేది తెలియాల్సి ఉంది.
Also Read : Martin: విశాఖ వాసిపై కన్నడ నిర్మాత ఛీటింగ్ కేసు !