త‌మిళ సినీ సూప‌ర్ స్టార్, త‌లైవా ర‌జ‌నీకాంత్ ఆనందం వ్య‌క్తం చేశారు. ఇస్రో ఆధ్వ‌ర్యంలో చేప‌ట్టిన చంద్ర‌యాన్ -3 ప్ర‌యోగం స‌క్సెస్ అయ్యింది. చంద్రుడి వ‌ద్ద‌కు మ‌న రాకెట్ వెళ్ల‌డంతో ఇత‌ర దేశాలు విస్తు పోయాయి.
అమెరికా , ర‌ష్యా, చైనా వంటి అగ్ర రాజ్యాలు విస్తు పోయేలా , ఆశ్చ‌ర్యంతో చూస్తూ ఉండ‌గానే భార‌త దేశం దూసుకు పోయింది. అంత‌రిక్ష ప్ర‌యోగంలో త‌న‌కు ఎదురే లేద‌ని చాటి చెప్పింది. ఈ స‌క్సెస్ తో ప్ర‌పంచాన్ని ఆశ్చ‌ర్య పోయేలా చేసింది.
ఈ సంద‌ర్భంగా న‌టుడు ర‌జ‌నీకాంత్ ఆనందం వ్య‌క్తం చేశారు. ఎంతో కృషి చేసినందుకు ఇస్రో శాస్త్ర‌వేత్త‌ల‌ను ప్ర‌త్యేకంగా అభినందనలతో ముంచెత్తారు. మీరు మ‌మ్మ‌ల్ని గ‌ర్వ ప‌డేలా చేశార‌ని , దేశాన్ని త‌ల ఎత్తుకునేలా శ్ర‌మించార‌ని కొనియాడారు ర‌జ‌నీకాంత్.
తొలి సారిగా చంద్రుని ద‌క్షిణ ధ్రువంపై చంద్ర‌యాన్ -3ని ల్యాండ్ చేయ‌డం ద్వారా మ‌న దేశానికి పేరు తీసుకు వ‌చ్చేలా చేసినందుకు మీకు సెల్యూట్ చేస్తున్నాని స్ప‌ష్టం చేశారు న‌టుడు.
ఇదిలా ఉండ‌గా బాలీవుడు న‌టులు షారుఖ్ ఖాన్ , అక్ష‌య్ కుమార్ తో పాటు ప్ర‌ముఖ వివాదాస్ప‌ద న‌టుడు ప్ర‌కాశ్ రాజ్ సైతం ఇస్రో టీంను అభినందనలతో ముంచెత్తారు.