Rajini Lal Salam: రజనీకాంత్ కుమార్తె ఐశ్వర్య రజనీకాంత్ దర్శకత్వంలో విష్ణు విశాల్‌, విక్రాంత్‌ సంతోష్‌ ప్రధాన పాత్రల్లో తెరకెక్కిస్తున్న సినిమా ‘లాల్ సలామ్’. రజనీకాంత్, లెజెండరీ క్రికెటర్‌ కపిల్‌దేవ్, జీవితా రాజశేఖర్‌ కీలక పాత్రలు పోషిస్తున్న ఈ సినిమాను సుభాస్కరన్‌ ఈ సినిమాను నిర్మించారు. మొయిద్దీన్‌ భాయ్‌ అనే పవర్ ఫుల్ పాత్రలో రజనీకాంత్ కనిపించనున్నారు. ఈ సినిమాకు ఏఆర్ రెహమాన్ సంగీతం అందిస్తున్నారు. ఈ సినిమాను సంక్రాంతికి విడుదల చేస్తామని తొలుత ప్రకటించినప్పటికీ… అనివార్య కారణాల వలన సంక్రాంతి బరి నుండి తప్పుకోవాల్సి వచ్చింది. అయితే తాజాగా ‘లాల్ సలామ్(Lal Salam)’ సినిమాను ఫిబ్రవరి 9న విడుదల చేస్తామని మంగళవారం కొత్త విడుదల తేదీని ప్రకటించింది చిత్ర యూనిట్. దీనితో ‘లాల్ సలామ్’ ఆయేగా ఫిబ్రవరీమే అంటూ నెటిజన్లు కామెంట్లు పెడుతున్నారు.
Rajini Lal Salam Release Dates
‘‘హిందూ, ముస్లిం యువకులు వారెంతగానో ప్రేమించే క్రికెట్‌ ఆట విషయంలో మతం పేరుతో గొడవలు పడుతూ ఉంటే ఆ గొడవలను మొయిద్దీన్‌ భాయ్‌ ఎలా సర్దుబాటు చేశాడు ? అన్నదే చిత్రకథాంశం’’ అని చిత్ర యూనిట్ పేర్కొంది.
Also Read : RGV Movie : సస్పెన్స్ లో ఉన్న ఆర్జీవీ వ్యూహం. రిలీజ్ కానుందా..?