Pushpa 2 : ఐకాన్‌ స్టార్‌ అల్లు అర్జున్, బ్రిలియంట్‌ డైరెక్టర్‌ సుకుమార్‌ కాంబినేషన్‌లో రూపొందుతున్న ఇండియన్ ఫిలిం ‘పుష్ప-2’. ప్రపంచవ్యాప్తంగా సినీ ప్రేమికులు ఎదురుచూస్తున్న ఈ చిత్రం డిసెంబర్ 5న ప్రేక్షకుల ముందుకు వచ్చేందుకు సిద్ధమవుతోంది. మైత్రీ మూవీ మేకర్స్‌పై అభిరుచి గల నిర్మాతలు నవీన్‌ ఎర్నేని, రవిశంకర్‌.వై ఈ చిత్రాన్ని సుకుమార్‌ రైటింగ్స్ అసోసియేషన్‌తో నిర్మిస్తున్నారు. విడుదల దగ్గర పడుతుండటంతో రోజు రోజుకు పుష్ప-2 చిత్రంపై అంచనాలు పెరుగుతూ వస్తున్నాయి. ఇక ఇదే అదనుగా కొందరు మార్ఫింగ్ ఫొటోలతో సోషల్ మీడియాని క్యాష్ చేసుకునే పనిలో ఉన్నారు. తాజాగా సోషల్ మీడియాలో ‘పుష్ప 2(Pushpa 2)’కి సంబంధించి ఐటం సాంగ్ ఫొటోలంటూ కొన్ని ఫొటోలు వైరల్ అవుతున్నాయి.
Pushpa 2 Movie Updates
‘పుష్ప’పార్ట్ 1లో సమంత ఐటం సాంగ్ చేయగా.. ‘పుష్ప 2(Pushpa 2)’లో శ్రీలీల ఐటం సాంగ్ చేస్తున్నట్లుగా రీసెంట్‌గా వార్తలు వచ్చాయి. అయితే మేకర్స్ మాత్రం అధికారిక ప్రకటన చేయలేదు. దీంతో వేరే సాంగ్‌కి సంబంధించిన ఫొటోలను అల్లు అర్జున్, శ్రీలల ముఖాలతో మార్ఫింగ్ చేసి కొన్ని ఫొటోలను సోషల్ మీడియాలో వదిలారు. ఈ ఫొటోలను చూస్తుంటే నిజంగానే ‘పుష్ప 2’ ఐటం సాంగ్ ఫొటోలని అనుకుంటారు కానీ.. అదే సమయంలో ఓ వీడియో వైరల్ అవుతుండటంతో.. అసలు విషయం అర్థమైంది. ఆ వీడియోలో వేరే వాళ్లు సేమ్ డ్రస్‌తో ఉన్నారు. ఏది ఒరిజినలో, ఏది ఫేకో, ఏది ఏఐ నో తెలియకుండా సోషల్ మీడియాని ఈ ఫొటోలు కమ్మేశాయి. మరి ఈ ఫొటోలపై మేకర్స్ ఎలా రియాక్ట్ అవుతారో చూడాల్సి ఉంది.
ఐకాన్స్టార్ సరసన నేషనల్ క్రష్ రష్మికా మందన్నా హీరోయిన్‌గా నటించిన ‘పుష్ప-2’ చిత్రాన్ని ప్రపంచవ్యాప్తంగా ఆరు భాషల్లో కలిపి మొత్తంగా 11,500 స్క్రీన్స్‌లో విడుదల చేయడానికి సన్నాహాలు చేస్తున్నట్లుగా మేకర్స్ ఇటీవల తెలిపారు. ఇండియాలో 6500 స్క్రీన్స్‌లో, ఓవర్సీస్‌లో 5000 స్క్రీన్స్‌లో గ్రాండ్‌ విడుదలకు ప్లాన్‌ చేస్తున్నామని తెలిపారు నిర్మాతలు. అయితే ఇది బిగ్గెస్ట్‌ రిలీజ్‌ ఇండియన్ సినిమాగా ట్రేడ్‌ వర్గాలు చెబుతున్నాయి. ఇప్పటి వరకు ఏ ఇండియన్ సినిమా కూడా ఇలాంటి ఘనత సాధించలేదని అంటున్నాయి ఇండియన్ ఫిల్మ్‌ సర్కిల్స్‌. ఇక పుష్ప-2 బాక్సాఫీస్‌ రూల్‌లో కలెక్షన్ల పరంగా బాక్సీఫీస్‌ వద్ద ఎన్నో సంచలనాలు కూడా సృష్టిస్తుందని అంటున్నారు ట్రేడ్‌ విశ్లేషకులు. మరి పుష్పాగాడి రూల్ ఏ విధంగా ఉండబోతుందో తెలియాలంటే మాత్రం డిసెంబర్ 5 వరకు వెయిట్ చేయక తప్పదు.
Also Read : Pushpa 2 : పుష్ప 2 స్పెషల్ సాంగ్ సెట్ లో హీరోయిన్ శ్రీలీల