Priyadarshi Pulikonda: క్యారెక్టర్‌ ఆర్టిస్టుగా కెరీర్‌ ప్రారంభించి మంచి కథలు ఎంపిక చేసుకుంటూ ప్రేక్షకులను అలరిస్తున్నారు ప్రియదర్శి. ‘జాతిరత్నాలు’ సినిమాతో మంచి గుర్తింపు పొందిన ప్రియదర్శి… ఇటీవల ‘మల్లేశం’, ‘బలగం’ చిత్రాల్లో ప్రధాన పాత్రలో నటించి మెప్పించారు. తాజాగా ప్రియదర్శి(Priyadarshi Pulikonda) హీరోగా ప్రముఖ దర్శకుడు ఇంద్రగంటి మోహన్‌ కృష్ణ దర్వకత్వంలో మరో కొత్త సినిమా చేయడానికి గ్రీన్ సిగ్నల్ ఇచ్చాడు. ఈ నేపథ్యంలో ప్రియదర్శి-ఇంద్రగంటి కాంబినేషన్ లో తెరకెక్కబోయే కొత్త సినిమాకు సంబంధించిన పూజా కార్యక్రమం సోమవారం హైదరాబాద్‌లో జరిగింది. శ్రీదేవి మూవీస్‌ బ్యానర్‌ పై శివలెంక కృష్ణ ప్రసాద్‌ నిర్మిస్తున్న ఈ సినిమాలో… ‘ఉమా మహేశ్వర ఉగ్రరూపస్య’ సినిమాతో తెలుగు ప్రేక్షకులకు పరిచయమైన రూప ఈ చిత్రంలో కథానాయిక. తనికెళ్ల భరణి, వెన్నెల కిషోర్‌, అవసరాల శ్రీనివాస్‌ తదితరులు కీలక పాత్రలు పోషించనున్నారు. ఈ సినిమాకు వివేక్‌ సాగర్‌ సంగీతం అందించనున్నారు. త్వరలోనే ఈ సినిమా రెగ్యులర్‌ షూటింగ్‌ మొదలు కానుంది.
Priyadarshi Pulikonda Movie Updates
శ్రీ హర్ష కొనుగంటి దర్శకత్వంలో శ్రీవిష్ణు, రాహుల్‌ రామకృష్ణల ప్రధాన పాత్రలో తెరకెక్కించిన ‘ఓం భీమ్‌ బుష్‌’ సినిమాలో ప్రియదర్శి నటించారు. మార్చి 22న విడుదలైన ఈ సినిమా కామెడీ ఎంటర్‌టైనర్‌ గా ప్రస్తుతం థియేటర్‌లో ఆడియన్స్‌ ను అలరిస్తోంది. రామ్‌ చరణ్‌ హీరోగా దర్శకుడు శంకర్‌ తెరకెక్కిస్తోన్న ‘గేమ్‌ ఛేంజర్‌’లోనూ ప్రియదర్శి కీలక పాత్ర పోషిస్తున్నారు.
Also Read : Vijay Deverakonda: హోలీ సంబరాల్లో ‘ఫ్యామిలీ స్టార్’ టీమ్‌ !