Prerana Kambam : టాలీవుడ్ లో పెళ్ళిళ్ళ సీజన్ నడుస్తోంది. గడచిన నెల రోజుల్లో మెగా ప్రిన్స్ వరుణ్ తేజ్(Varun Tej), అందాల నటి రాద కుమార్తె కార్తీక నాయర్, బిగ్ బాస్ ఫేం మానస్ పెళ్ళి పీటలెక్కారు. అయితే టాలీవుడ్ కు పోటీగా ‘కృష్ణ ముకుంద మురారీ’ సీరియల్ లో బుల్లితెర ప్రేక్షకులను మెప్పిస్తున్న సీరియల్ హీరోయిన్ ప్రేరణ పెళ్ళి పీటలెక్కింది. శ్రీ పాద అనే కన్నడ యువకుడ్ని పెళ్ళి చేసుంది. ప్రస్తుతం శ్రీపాద, ప్రేరణ పెళ్ళి ఫోటోలు సోషల్ మీడియాలో వైరల్ గా మారుతున్నాయి. క్యూట్ యాక్టింగ్ తో ఫ్యామిలీ ఆడియన్స్ కు దగ్గరయిన ప్రేరణకు నెటిజన్లు శుభాకాంక్షలు తెలుపుతున్నారు.
Prerana Kambam – కన్నడలో సినిమా హీరోయిన్… తెలుగులో సీరియల్ హీరోయిన్
‘కృష్ణ ముకుందా మరారీ’ సీరియల్‌తో తెలుగు ప్రేక్షకులకు దగ్గరయిన ప్రేరణ పుట్టింది హైదరాబాద్ లోనే అయినప్పటికీ.. పెరిగిందంతా బెంగళూరులోనే. మోడల్ గా కన్నడ చిత్ర పరిశ్రమలో అడుగుపెట్టి పలు సినిమాల్లో హీరోయిన్ గా నటించింది. ‘కృష్ణ ముకుంద మురారీ’ సీరియల్ తో తెలుగు బుల్లితెరకు పరిచయం అయింది. మంచి తనం, అమాయకత్వం, మొండితనం అన్నీ కలగలిపిన కృష్ణ వేణి గా కన్నడ అమ్మాయి ప్రేరణ చక్కగా ఒదిగిపోయి… తన క్యూట్ యాక్టింగ్ తో ప్రేక్షకుల మనసులు గెలుచుకుంటోంది.
అయితే శ్రీపాద అనే కన్నడ యువకుడితో అక్టోబరు చివరలో నిశ్చితార్థం చేసుకున్న నటి ప్రేరణ.. ఇప్పుడు కన్నడ సంప్రదాయం ప్రకారం అతడ్ని పెళ్లి చేసుకుంది. అందుకు సంబంధించిన వీడియోలు ప్రస్తుతం సోషల్ మీడియాలో వైరల్ అవుతున్నాయి. అయితే శ్రీ పాదకు సినిమా ఇండస్ట్రీతో సంబంధం లేకపోయినప్పటికీ కటౌట్ మాత్రం హీరోలానే హ్యాండ్సమ్‌గా ఉన్నాడు అంటూ సోషల్ మీడియా లో పోస్టులు పెడుతున్నారు. మరోవైపు కొంతమంది సీరియల్ అభిమానులు… సోషల్ మీడియా వేదికగా ప్రేరణ-శ్రీపాద ల కొత్త జంటని ఆశీర్వదిస్తున్నారు.
Also Read : Wedding Celebrations : బుల్లితెర నటుడు మానస్ వెడ్డింగ్ సెలబ్రేషన్స్