Prathinidhi 2: జర్నలిస్ట్ మూర్తి దేవగుప్తపు దర్శకత్వంలో నారా రోహిత్ ప్రధాన పాత్రలో తెరకెక్కించిన తాజా సినిమా ‘ప్రతినిధి 2’. వానరా ఎంటర్‌టైన్‌మెంట్స్, రానా ఆర్ట్స్ బ్యానర్లపై కుమార్ రాజా బత్తుల, ఆంజనేయులు శ్రీ తోట, సురేంద్రనాథ్ బొల్లినేని ఈ చిత్రాన్ని నిర్మించారు. మే 10న విడుదలకు ముస్తాబవుతోన్న ఈ చిత్రం తాజాగా సెన్సార్ పూర్తి చేసుకుని… రిలీజ్‌ కు సిద్ధమైంది. సెన్సార్ బోర్డ్ ఈ సినిమాకి యూబైఏ సర్టిఫికేట్‌ను జారీ చేసింది.
Prathinidhi 2 Movie Updates
ఈ సినిమాకు సంబంధించి ఇప్పటి వరకు విడుదలైన టీజర్, ట్రైలర్‌ మంచి స్పందనను రాబట్టుకున్న విషయం తెలిసిందే. గతంలో ఒక మాస్ పాటను విడుదల చేశారు, ఈ పాటలో రోహిత్ జీవితం గురించి జ్ఞానాన్ని ఇస్తున్నట్లు కనిపించారు. రెండవ పాట- జర్నలిస్ట్ గీతం‌లో కృష్ణకాంత్ ఆలోచింపజేసే సాహిత్యం ఇవ్వగా స్వరాగ్ కీర్తన్, జయంత్ పాడిన పాట ఇన్స్టంట్ హిట్ అయ్యింది. ఇలా ప్రతీది సినిమాపై భారీగా అంచనాలను పెంచేయగా.. మే 10న వస్తోన్న ఈ సినిమా భారీ విజయం సాధిస్తుందని మేకర్స్ భావిస్తున్నారు. ‘ప్రతినిధి 2(Prathinidhi 2)’ సినిమా… ‘ప్రతినిధి’ సిరీస్ నుండి వస్తోన్న రెండవ ఫ్రాంచైజీ చిత్రం. ఈ సినిమాలో నారా రోహిత్ నిజాయితీ గల న్యూస్ రిపోర్టర్ పాత్రలో కనిపించనున్నాడు. సిరీ లెల్లా కథానాయికగా నటిస్తుండగా… దినేష్ తేజ్, సప్తగిరి, జిషు సేన్‌గుప్తా, సచిన్ ఖేడేకర్ కీలక పాత్రల్లో కనిపించనున్నారు. యువ సంగీత సంచలనం మహతి స్వర సాగర్ ఈ చిత్రానికి సంగీతం అందించారు.
Also Read : Allu Arjun: ‘ఆర్య’ సినిమాపై అల్లు అర్జున్‌ ఎమోషనల్ పోస్ట్‌ !