Kannappa : పాన్ ఇండియా స్టార్ ప్రభాస్ చేతిలో ప్రస్తుతం నాలుగైదు ప్రాజెక్టులు ఉన్నాయి. ఇవన్నీ పాన్ ఇండియా సినిమాలే కావడం విశేషం. అయితే మంచు విష్ణు ప్రతిష్టాత్మకంగా తీస్తున్న కన్నప్ప(Kannappa) చిత్రంలో ప్రభాస్ ఓ అతిథి పాత్రలో కనిపించబోతున్న సంగతి తెలిసిందే. ప్రస్తుతం ఈ సినిమా షూటింగ్ రామోజీ ఫిల్మ్ సిటీలో జరుగుతుంది. బాలీవుడ్ సూపర్ స్టార్ అక్షయ్ కుమార్ ఇటీవలే ఈ మూవీ సెట్స్‌లో జాయిన్ అయి తన షూటింగ్‌ను పూర్తి చేశారు. కానీ ఇప్పటికీ ప్రభాస్ ఈ సెట్స్‌లో అడుగుపెట్టలేదు.
Kannappa Movie Updates
నిజానికి ఏప్రిల్ మధ్యలో ఈ సినిమాకి డేట్స్ కేటాయించారు ప్రభాస్. కానీ ఆ తర్వాత కల్కి కోసం మే మొదటి వారానికి ఈ కాల్షీట్స్ రీషెడ్యూల్ చేశారట. కానీ ఇప్పటికీ ప్రభాస్ రాకపోయేసరికి కన్నప్ప టీమ్ అక్షయ్ కుమార్ ఎపిసోడ్‌లను ముందుకు జరిపినట్లు సమాచారం. ఇక కన్నప్ప కోసం ప్రభాస్ ఇంకా కొత్త తేదీలను కేటాయించలేదు. కానీ ఈ నెలలో ఎలాగైనా షూటింగ్ పూర్తి చేస్తానని మంచు విష్ణుకి హామీ ఇచ్చినట్లు తెలుస్తోంది. ఈ చిత్రంలో ప్రభాస్ తన పాత్ర కోసం మూడు రోజుల పాటు షూటింగ్‌లో పాల్గొనాల్సి ఉంది. దీంతో ప్రభాస్ రాక కోసం కన్నప్ప టీమ్ ఎదురుచూస్తుంది.
ఇక ఈ చిత్రంలో అక్షయ్ కుమార్ శివుడి పాత్రలో నటిస్తుండగా ప్రభాస్ నందీశ్వరుడుగా కనిపించనున్నట్లు టాక్. ఇక ఈ చిత్రంలో మలయాళ సూపర్ స్టార్ మోహన్‌లాల్, కన్నడ స్టార్ శివరాజ్ కుమార్ కూడా కీలక పాత్రల్లో కనిపిస్తున్నారు. అలానే నయనతార, ఆర్ శరత్‌కుమార్, మోహన్ బాబు, బ్రహ్మానందం వంటి టాప్ స్టార్లు కూడా ఈ చిత్రంలో ముఖ్య పాత్రల్లో నటిస్తున్నట్లు సమాచారం.
Also Read : RRR Movie : రీ-రిలీజ్ కు సిద్ధమవుతున్న ఆర్ఆర్ఆర్ సినిమా