Prabhas : ప్రముఖ మీడియా ఆర్మాక్స్ సంస్థ ప్రతినెలా దేశంలోని సెలబ్రెటీలపై సర్వే నిర్వహించి ఓ జాబితాను విడుదల చేస్తున్న సంగతి తెలిసిందే. ఇండియాలోనే మోస్ట్ పాపులర్, టాప్ పోజిషన్ లోని వారి జాబితాలను విడుదల చేస్తుంటుంది. అందులో భాగంగా నవంబర్ నెలకుగానూ మోస్ట్ పాపులర్ స్టార్స్ జాబితాను ప్రకటించింది. ఇందులో యంగ్ రెబల్ స్టార్ ప్రభాస్(Prabhas) నవంబర్ వన్ స్థానంలో నిలిచారు. ఇక హీరోయిన్లలలో సమంత మొదటి స్థానంలో నిలిచింది. అంతేకాదు.. కథానాయికల జాబితాలో సమంత వరుసగా మూడోసారి (సెప్టెంబర్, అక్టోబర్, నవంబర్) నెలలో ఫస్ట్ ప్లేస్ లో నిలవడం విశేషం. ఇక ప్రభాస్ సైతం వరుసగా రెండోసారి (అక్టోబర్, నవంబర్) నిలిచారు. ఇక నవంబర్ నెలకు ప్రకటించిన మోస్ట్ పాపులర్ స్టార్ జాబితాలో ప్రభాస్ తర్వాతి స్థానంలో విజయ్ దళపతి నిలిచారు.
Prabhas…
వీరిద్దరి తర్వాత వరుసగా అల్లు అర్జున్, షారుఖ్ ఖాన్, ఎన్టీఆర్, అజిత్ కుమార్, మహేష్ బాబు, సూర్య , రామ్ చరణ్, అక్షయ్ కుమార్ నిలిచారు. అలాగే హీరోయిన్స్ విషయానికి వస్తే.. మొదటి స్థానంలో సమంత నిలిచింది. ఇప్పటికే మూడు సార్లు నంబర్ వన్ స్థానంలో నిలిచి హ్యాట్రిక్ రికార్డ్ సృష్టించింది సామ్. ఆ తర్వాత అలియ భట్, నయనతార, సాయి పల్లవి, దీపికా పదుకోన్, త్రిష, కాజల్, రష్మిక మందన్నా, శ్రద్ధా కపూర్, కత్రినా కైఫ్ ఉన్నారు. ఇదిలా ఉంటే.. ఇన్నాళ్లు సినిమాలకు గ్యాప్ తీసుకున్న సామ్.. ఇప్పుడు తిరిగి రీఎంట్రీ ఇచ్చేందుకు రెడీ అయ్యింది. ఇటీవలే సిటాడెల్ వెబ్ సిరీస్ ద్వారా అడియన్స్ ముందుకు వచ్చింది. అమెజాన్ ప్రైమ్ వీడియోలో ఈ సిరీస్ స్ట్రీమింగ్ అవుతుంది. అలాగే సోషల్ మీడియాలో యాక్టివ్ అయిన సమంత.. నిత్యం ఏదోక పోస్ట్ చేస్తుంది.
Also Read : Allu Aravind : నా బిడ్డను అలా చూస్తుంటే మనసుకి చాలా బాధగా ఉంది