Kanchana 4: ప్రముఖ కొరియోగ్రాఫర్, నటుడు, నిర్మాత, దర్శకుడు, సంగీత దర్శకుడు రాఘవ లారెన్స్ తెరకెక్కించిన సూపర్ హిట్ సిరీస్ ‘కాంచన’. ఈ ‘కాంచన’కు సీక్వెల్ గా ఇప్పటికే మూడు భాగాలను తెరకెక్కించారు. అతి త్వరలో ‘కాంచన 4’ను కూడా తెరకెక్కించడానికి అన్ని ఏర్పాట్లు పూర్తి చేసారు. ఒకవైపు ఇతర దర్శకులతో కలిసి పనిచేస్తున్న రాఘవ లారెన్స్… మరోవైపు ‘కాంచన-4’ స్క్రిప్టును కూడా సిద్ధం చేసుకున్నారు. ఈ సినిమాను భారీ బడ్జెట్‌తో ఉన్నత సాంకేతిక ప్రమాణాలతో తెరకెక్కించాలని ఆయన నిర్ణయించారు. దీనికి అనుగుణంగానే ఈ స్టోరీ విన్న తర్వాత గోల్డ్‌మైన్స్‌ నిర్మాణ సంస్థ ముందుకు వచ్చింది. దీంతో ఈ సంస్థతో కలిసి రాఘవ లారెన్స్ కాంచన నాలుగో భాగాన్ని సెట్స్‌పైకి తీసుకెళ్లనున్నారు. గత మూడు చిత్రాల తరహాలోనే నాలుగో భాగాన్ని కూడా ప్రేక్షకులను అలరించేలా క‌థ‌ను సిద్ధం చేశారు.
Kanchana 4 Movie Updates
అయితే ‘కాంచన-4(Kanchana 4)’లో హీరోయిన్ ఎవరనేదానిపై ఇప్పటి నుండే చర్చ ప్రారంభమైంది. ఈ సినిమాలో హీరోయిన్ గా బుట్టబొమ్మ పూజా హెగ్డేను తీసుకునేందుకు సంప్రదింపులు జరుపుతున్నట్లు కోలీవుడ్ సమాచారం. ముందుగా ఈ సినిమాలో మృణాల్ ఠాకూర్, మాళ‌విక మోహ‌న‌న్ పేర్లు వినిపించిన‌ప్ప‌టికీ తాజాగా హీరోయిన్ గా పూజా హెగ్డేను తీసుకునేందుకు సంప్రదింపులు జరుపుతున్నట్టు తెలుస్తోంది. కాగా, గోల్డ్‌ మైన్స్‌ నిర్మాణ సంస్థ అనేక తమిళ హిట్ చిత్రాలను హిందీలోకి అనువాదం చేసి విడుదల చేసింది. ఇపుడు భారీ బడ్జెట్ తో ఈ చిత్రాన్ని నిర్మించేందుకు ముందుకు రావడం అంతేగాక లారెన్స్ ప్ర‌స్తుతం న‌టిస్తోన్న హంట‌ర్ చిత్రాన్ని కూడా ఈ సంస్థే నిర్మిస్తుండ‌డం గమనార్హం. ఈ నేపథ్యంలో ‘కాంచన-4’ బుట్టబొమ్మ పూజ హెగ్డే స్థానం దక్కించుకుంటుందా లేదా అనేది మరి కొన్ని రోజుల్లోనే తేలిపోనుంది.
Also Read : SIMBAA: ఓటీటీలో దూసుకుపోతున్న సైన్స్ ఫిక్షన్ క్రైమ్ థ్రిల్లర్ ‘సింబా’ !