Pawan Kalyan: పవర్ స్టార్ పవన్ కళ్యాణ్… ఏపీ డిప్యూటీ సీఎం హోదాలో కాకినాడ పోలీస్‌ పెరేడ్‌ గ్రౌండ్‌లో గురువారం జరిగిన స్వాతంత్య్ర వేడుకల్లో ముఖ్యఅతిథిగా పాల్గొన్నారు. ఇటీవల ఎన్నికల్లో గెలిచిన రోజు నుండి ప్రతీ ముఖ్య రాజకీయ, కుటుంబ కార్యక్రమంలో పవన్ కళ్యాణ్ వెంట అకీరా నందన్ కనిపించారు. అయితే తాజాగా అకీరా స్థానంలో అతని చెల్లి, పవన్ కళ్యాణ్ గారాల పట్టి ఆద్య అకస్మాత్తుగా ప్రత్యక్షమైయింది. ఈ సందర్భంగా ఉప ముఖ్యమంత్రి పవన్ కళ్యాణ్ వేదికపై తన కూతురు ఆద్యతో సెల్ఫీ తీసుకున్నారు. దీంతో ఒక్కసారిగా గ్యాలరీ నుంచి అభిమానులు కేరింతలు కొట్టారు.
Pawan Kalyan Daughter
పోలీస్‌ పరేడ్‌ గ్రౌండ్‌లో ఓపెన్‌ టాప్‌ జీప్‌పై నుంచి గౌరవ వందనం స్వీకరిస్తూ పవన్ కళ్యాణ్ వేదిక వద్దకు వస్తున్న సమయంలో పబ్లిక్‌ గ్యాలరీ నుంచి సందర్శకులు కేరింతలు కొట్టారు. విభిన్న ప్రతిభావంతులైన చిన్నారులు నృత్య ప్రదర్శన చేస్తున్నప్పుడు పవన్ వేదిక మీద నుంచి వారివద్దకు వచ్చి అభినందించారు. ప్రస్తుతం పవన్ కళ్యాణ్… తన కుమార్తె ఆద్యతో దిగిన సెల్ఫీ సోషల్ మీడియాలో వైరల్ గా మారుతోంది.
Also Read : Jai Jawan: ‘జై జవాన్’ ట్రైలర్ విడుదల చేసిన దర్శకుడు మలినేని గోపీచంద్ !