Pawan Kalyan: ఒకవైపు ‘ఉస్తాద్‌ భగత్‌సింగ్‌’, ‘ఓజీ’, ‘హరిహర వీరమల్లు’ సినిమాలు… మరోవైపు 2024 ఎన్నికల వ్యూహాలతో బిజీగా ఉన్న జనసేన అధ్యక్షులు, పవర్ స్టార్ పవన్ కళ్యాణ్… త్వరలో డైరెక్టర్ సురేందర్ రెడ్డితో సినిమా చేస్తున్నట్లు ప్రకటించారు. ఈ సినిమాకు ప్రముఖ రచయిత, దర్శకుడు వక్కంతం వంశీ కథను అందిస్తున్నారు. అయితే ఈ సినిమాకు సంబంధించి ఓ ఇంట్రెస్టింగ్ అప్ డేట్ ను కథా రచయిత వక్కంతం వంశీ వెల్లడించారు. నితిన్ హీరోగా దర్శకుడు వక్కంతం వంశీ తెరకెక్కించిన ‘ఎక్స్‌ట్రా: ఆర్డినరీమ్యాన్‌’ సినిమా ప్రమోషన్ లో భాగంగా ఆయన వెల్లడించిన విషయాలు సోషల్ మీడియాలో వైరల్ గా మారుతున్నాయి.
Pawan Kalyan – షూటింగ్ కోసం ఆశక్తిగా ఎదురు చూస్తున్న పవన్ కళ్యాణ్ ?
నితిన్ హీరోగా తెరకెక్కించిన ‘ఎక్స్‌ట్రా: ఆర్డినరీమ్యాన్‌’ సినిమా ప్రమోషన్ లో పాల్గొన్న దర్శకుడు వక్కంతం వంశీ మాట్లాడుతూ… పవన్ కళ్యాణ్(Pawan Kalyan)-సురేందర్ రెడ్డి కాంబోలో వస్తున్న సినిమాను ఓ సోషల్ సెటైర్ గా తెరకెక్కిస్తున్నామని అన్నారు. స్టోరీ చాలా బాగా నచ్చడంతో ఎప్పుడెప్పుడు షూటింగ్ కు వెళ్దామా అని పవన్ కళ్యాణ్ ఆశక్తిగా ఉన్నారని ఆయన తెలిపారు. ఆ సినిమా కథా రచయితగా తాను కూడా ఎంతో ఉత్కంఠగా సినిమా కోసం ఎదురుచూస్తున్నట్లు స్పష్టం చేసారు. ప్రస్తుతం రాజకీయాల్లో బిజీగా ఉన్న పవన్ కళ్యాణ్ కు… వక్కంతం వంశీ అందించిన సోషల్ సెటైర్ రాజకీయంగా ఉపయోగపడుతుందని కొంతమంది కామెంట్స్ పెడుతున్నారు. అల్లు అర్జున్ హీరోగా తెరకెక్కించిన ‘నా పేరు సూర్య.. నా ఇల్లు ఇండియా’తో దర్శకుడిగా మారిన వక్కంతం వంశీ…. దర్శకత్వం వహించిన తాజా సినిమా ‘ఎక్స్‌ట్రా: ఆర్డినరీమ్యాన్‌’ శుక్రవారం ప్రేక్షకుల ముందుకు వచ్చింది.
Also Read : Hero Kalyanram: ‘డెవిల్‌’ కు డేట్ ఫిక్స్‌ చేసిన కళ్యాణ్ రామ్