తెలుగులో బిగ్ ఓటీటీ ప్లాట్ ఫార‌మ్ లో స్ట్రీమింగ్ అయ్యేందుకు పాపం ప‌సివాడు రెడీగా ఉంది. ఇప్ప‌టికే ఆహా డిక్లేర్ చేసింది. ఈనెల 29న రానుంద‌ని ప్ర‌క‌టించింది. ఈ సీరీస్ లో ప్ర‌ముఖ గాయ‌కుడు శ్రీ‌రామ చంద్ర నటిస్తుండడం విశేషం.
సింగ‌ర్ తో పాటు విద్యా మ‌హ‌ర్షి న‌టిస్తున్నారు. అన్యా, ఏజెంట్ ఆనంద్ వంటి కంటెంట్ ల‌తో ఆక‌ట్టుకున్న ఆహా మ‌రో ధారావాహిక వెబ్ సీరీస్ శ్రీ‌రామ చంద్ర‌తో తీయ‌డం ఒకింత ఆశ్చ‌ర్యాన్ని క‌లిగిస్తోంది. ఈ వెబ్ సీరీస్ కి ల‌లిత్ కుమార్ ద‌ర్శ‌క‌త్వం వ‌హిస్తున్నారు.
పాపం ప‌సివాడు వెబ్ సీరీస్ కు సంబంధించి ఇప్ప‌టికే నెట్టింట్లో పోస్ట‌ర్లు హ‌ల్ చ‌ల్ చేస్తున్నాయి. దీనిని చూడాలంటే ఆహాలో స‌బ్ స్క్రైబ్ అయి ఉండాలి. లేదా అప్ గ్రేడ్ చేసుకోవాల్సి ఉంటుంది. భిన్న‌మైన కాన్సెప్ట్స్ తో ముందుకు వ‌స్తోంది ఆహా.
మ‌రో వైపు నెట్టింట్లో ఓటీటీ ప్లాట్ ఫార‌మ్ లు హ‌వా కొన‌సాగిస్తున్నాయి. నెట్ ఫ్లిక్స్ , అమెజాన్ ప్రైమ్ తో పాటు తెలుగులో ఆహా గ‌ట్టి పోటీ ఇస్తోంది. శ్రీ‌రామ‌చంద్ర , విద్యా మ‌హ‌ర్షితో పాటు రాశి సింగ్, గాయ‌త్రి చాగంటి ప్ర‌ధాన పాత్ర‌ల‌లో నటిస్తుండడం విశేషం.