అందాల ఆర‌బోత‌లో ముందంజ‌లో ఉంటారు బాలీవుడ్ భామ‌లు. అందుకే ద‌ర్శ‌క, నిర్మాత‌లు వారికే ప్ర‌యారిటీ ఇస్తూ వ‌స్తున్నారు. ప్ర‌త్యేకించి స్పెష‌ల్ సాంగ్స్ లో వాడుకుంటున్నారు. ఆ మ‌ధ్య‌న అల్లు అర్జున్ న‌టించిన పుష్ప ది రైజ్ లో ఏకంగా మెయిన్ స్ట్రీమ్ హీరోయిన్ గా ఉన్న న‌టి స‌మంత రుత్ ప్ర‌భును ప్ర‌త్యేకంగా ఓ పాట‌లో న‌టించేందుకు ఒప్పించారు.
ఆ ఒక్క పాట ఊపేసింది. ఊ అంటావా ఉఊ అంటావా అన్న సాంగ్ ను ఇంద్రావ‌తి పాడింది. ఈమె ఎవ‌రో కాదు మంగ్లీ సిస్ట‌ర్. దీనికి మ్యూజిక్ ఇచ్చింది దేవిశ్రీ ప్ర‌సాద్. ఇక తాజాగా బాలీవుడ్ న‌టి నోరా ఫ‌తేహి గురించి ప్ర‌త్యేకంగా చెప్పాల్సిన ప‌ని లేదు. ఈ ముద్దుగుమ్మ ఇప్పుడు హాట్ టాపిక్ గా మారారు.
ప్ర‌స్తుతం కృష్ణ చైత‌న్య ద‌ర్శ‌క‌త్వం వ‌హిస్తున్న గ్యాంగ్స్ ఆఫ్ గోదావ‌రి మూవీలో నోరా స్పెష‌ల్ అట్రాక్ష‌న్ గా మార‌బోతోంద‌ని టాక్. దీనిని నాగ వంశీ నిర్మిస్తున్నారు. ఈ చిత్రంలో డీజే టిల్లు మూవీ ఫేమ్ నేహా శెట్టి, అంజలి న‌టిస్తున్నారు. వీరితో పాటు నోరా ఫ‌తేహీ కూడా క‌నిపించ‌నుంది. గ‌తంలో బాహు బ‌లి మూవీలో మ‌నోహ‌రిగా గుర్తింపు తెచ్చుకుంది ఈ బాలీవుడ్ భామ.