Pawan Kalyan: పవన్‌ అభిమానులకు నిర్మాణ సంస్థల ముఖ్య విజ్ఞప్తి !

Pawan Kalyan: సెప్టెంబర్ 2 అనేది కోట్లాది మంది పవన్ కళ్యాణ్ అభిమానులకు ఓ పండుగ రోజు. ఈ ఏడాది పవన్ కళ్యాణ్ పుట్టిన రోజు మరింత ప్రత్యేక ఉంది. జనసేన పార్టీను స్థాపించి పదేళ్ళ పాటు ఎన్నో ఒడిదొడుకులు, అవమానాలు ఎదుర్కొని… చివరకు దశాబ్ధం తరువాత ప్రపంచంలో ఏ రాజకీయ పార్టీకు సాధ్యం కాని విధంగా పోటీ చేసిన అన్ని చోట్లా గెలిచి డిప్యూటీ సీఎంగా పదవీ బాధ్యతలు స్వీకరించారు పవర్ స్టార్ పవన్ కళ్యాణ్(Pawan Kalyan). కేంద్ర రాష్ట్ర ప్రభుత్వాల ఏర్పాటులో కీలకంగా మారిన పవన్ కళ్యాణ్… పుట్టిన రోజు ఈ సారి మరింత గ్రాండ్ గా ప్లాన్ చేసారు. గబ్బర్ సింగ్ సినిమాను రీ రిలీజ్ చేయడంతో పాటు ప్రపంచ వ్యాప్తంగా పవన్ అభిమానులు, టీడీపీ, జనసేన, బీజేపి నాయకులు, కార్యకర్తలు పెద్ద ఎత్తున పవన్ కళ్యాణ్ పుట్టిన రోజు వేడుకలు జరుపుకుంటున్నారు. ఈ నేపథ్యంలో ఈ పుట్టిన రోజుకు అభిమానులకు మంచి సర్ప్రైజ్ ఉంటుందని ప్రస్తుతం పవన్ నటిస్తున్న హరిహరవీరమల్లు, ఓజీ సినిమా యూనిట్ ప్రకటించింది.

సోమవారం పవన్‌ కళ్యాణ్(Pawan Kalyan) బర్త్‌డే సందర్భంగా ఆయన అప్‌కమింగ్‌ సినిమాలకు సంబంధించిన అప్‌డేట్స్‌ ప్రకటిస్తామని నిర్మాణ సంస్థలు ఇటీవల ప్రకటించాయి. అయితే రెండు తెలుగు రాష్ట్రాల్లో వరదల కారణంగా ప్రజలు ఇబ్బందులు ఎదుర్కొంటున్నారని.. దీన్ని దృష్టిలో పెట్టుకొని నేడు విడుదల కావాల్సిన అప్‌డేట్స్‌ను క్యాన్సిల్‌ చేస్తున్నట్లు ఆ చిత్ర నిర్మాణ సంస్థలు వెల్లడించాయి.

Pawan Kalyan – ఈ పుట్టిన రోజు కొన్నేళ్ల పాటు సెలబ్రేట్‌ చేసుకుందాం !

పవన్‌ కళ్యాణ్‌ హీరోగా సుజిత్‌ దర్శకత్వంలో తెరకెక్కుతోన్న చిత్రం ‘ఓజీ’. ఈ సినిమా నుంచి పవన్‌ పుట్టినరోజు నాడు అప్‌డేట్స్‌ ఇస్తామని ఇటీవల నిర్మాణ సంస్థ ప్రకటించింది. తాజాగా దాన్ని వాయిదా వేస్తున్నట్లు తెలిపింది. ‘ఆంధ్రప్రదేశ్‌, తెలంగాణలో ఎడతెరిపి లేకుండా కురుస్తోన్న వర్షాలకు ప్రజలు తీవ్ర ఇబ్బందుకు పడుతున్నారు. వరదల కారణంగా బర్త్‌డే కంటెంట్‌ రిలీజ్‌ను రద్దు చేస్తున్నాం. ‘ఓజీ’ సినిమా కొన్నేళ్ల పాటు సెలబ్రేట్‌ చేసుకునేలా ఉంటుంది. మనందరం కలిసి ఈ విపత్కర పరిస్థితులను అధిగమించి.. త్వరలోనే భారీ సెలబ్రేషన్స్‌ చేసుకుందాం’ అని పేర్కొంది. పోస్టర్‌ కూడా రిలీజ్‌ చేయడం లేదని తెలిపింది.

పవన్‌ కళ్యాణ్‌(Pawan Kalyan) హీరోగా తెరకెక్కుతోన్న పీరియాడికల్‌ యాక్షన్‌ చిత్రం ‘హరిహర వీరమల్లు’. ఈరోజు పవన్‌ పుట్టినరోజు సందర్భంగా దీని నుంచి కొత్త పోస్టర్‌ విడుదల చేయాలని మేకర్స్‌ భావించారు. తాజాగా దాన్ని క్యాన్సిల్‌ చేశారు. ‘పవన్‌ ఫ్యాన్స్‌ కోసం ఓ ఆసక్తికరమైన పోస్టర్‌ డిజైన్‌ చేశాం. దాన్ని ఈరోజు రిలీజ్‌ చేద్దామని అనుకున్నాం. ప్రస్తుతం తీవ్రమైన వరదలతో తెలుగు రాష్ట్రాల్లో ఇబ్బందికర పరిస్థితులు ఉన్నాయి. ఈ సమయంలో పోస్టర్‌ రిలీజ్‌ చేయడం సరికాదని భావిస్తున్నాం. అందరూ అర్థం చేసుకొని మాకు సహకరిస్తారని ఆశిస్తున్నాం’ అని టీమ్‌ ప్రకటించింది.

Also Read : Mahesh Babu: మహేశ్‌ బాబు కుమారుడి బర్త్‌ డే ! స్పెషల్ ఫోటోలు షేర్ చేసిన నమ్రత !