Nithin: వరుస ఫ్లాప్ లతో సతమతమవుతున్న సమయంలో టాలీవుడ్ యంగ్ హీరో నితిన్ కు సూపర్ హిట్ అందించిన సినిమా ‘ఇష్క్’. విక్రమ్ కె.కుమార్ దర్శకత్వం, అనూప్ రూబెన్స్ సంగీతంతో పాటు ఈ సినిమా ఆడియో రిలీజ్ ఫంక్షన్ కు తన అభిమాన హీరో పవర్ స్టార్ పవన్ కళ్యాణ్ ముఖ్య అతిథిగా వచ్చేయడంతో ఈ సినిమాతో నితిన్… మరల హిట్ ట్రాక్ ఎక్కారు. 2012లో విడుదలైన ఈ సినిమా రొమాంటిక్ డ్రామా కథల్లో కొత్త కోణాన్ని ఆవిష్కరించింది. దీనితో నితిన్ కెరీర్ లో ‘ఇష్క్’ సినిమాకు ఓ ప్రత్యేకమైన స్థానం ఏర్పడింది. అయితే ‘ఇష్క్’ తరువాత విక్రమ్ కె.కుమార్ దర్శకత్వంలో నితిన్(Nithin) రెండో సారి పనిచేయలేదు. 2020లో విడుదలైన ‘భీష్మ’ సినిమా తరువాత నితిన్ కు చెప్పుకోదగ్గ విజయం లభించడం లేదు. ఇటీవల కాలంలో విడుదలైన చెక్, రంగ్ దే, మాస్ట్రో, మాచర్ల నియోజకవర్గం, ఎక్సట్రా-ఆర్డినరీ మాన్ సినిమాలు నితిన్ కు ఆశించిన ఫలితాలు ఇవ్వలేదు.
Nithin Movie Updates
వరుస ఫ్లాప్ లతో ఇబ్బందిపడిన సందర్భంగా హిట్ ట్రాక్ ఎక్కించిన ‘ఇష్క్’ కాంబినేషన్ ను… మరల రిపీట్ చేయడానికి హీరో నితిన్(Nithin) సిద్ధమౌతున్నారు. సుమారు 12ఏళ్ళ తరువాత మరల విక్రమ్ కె.కుమార్ దర్శకత్వంలో పనిచేయడానికి సిద్ధపడుతున్నట్లు సమాచారం. సుదీర్ఘ విరామం తరువాత ఈ ఇద్దరి కాంబినేషన్ లో సినిమాను తెరకెక్కించడానికి ఒక దఫా కథా చర్చలు కూడా పూర్తయినట్లు తెలుస్తోంది. ప్రస్తుతం నితిన్ ‘తమ్ముడు’, ‘రాబిన్‌హుడ్‌’ చిత్రాలు చేస్తున్నారు. ఇవి పూర్తయ్యాక నితిన్ – విక్రమ్ కాంబినేషన్‌లో సినిమా పట్టాలెక్కే అవకాశాలున్నాయి. ఇక దర్శకుడు విక్రమ్ కె.కుమార్ విషయానికి వస్తే అక్కినేని నాగచైతన్య ప్రధాన పాత్రలో ఇటీవల ‘దూత’ వెబ్ సిరీస్ ను తెరకెక్కించారు. ప్రముఖ ఓటీటీ ఫ్లాట్ ఫాం అమెజాన్ ప్రైమ్ వీడియోలో విడుదలైన ఈ వెబ్ సిరీస్.. విక్రమ్ కు అదే విధంగా నాగచైతన్యకు మంచి విజయాన్ని అందించింది.
Also Read : Meetha Raghunath: సీక్రెట్ గా పెళ్లి చేసుకున్న కోలీవుడ్ హీరోయిన్ !