Saripodhaa Sanivaaram: ‘దసరా’, ‘హాయ్‌ నాన్న’ సినిమాలతో వరుస విజయాలతో జోరుమీదున్న నేచురల్ స్టార్ నాని… ఇప్పుడు ‘సరిపోదా శనివారం(Saripodhaa Sanivaaram)’తో ప్రేక్షకులను అలరించేందుకు సిద్ధమవుతున్నారు. డీవీవీ ఎంటర్‌టైన్‌మెంట్స్ పతాకంపై వివేక్ ఆత్రేయ దర్శకత్వంలో తెరకెక్కిస్తున్న ఈ సినిమాలో నాని సరసన ప్రియాంక అరుల్‌ మోహన్‌ నటిస్తున్నారు. ‘అంటే సుందరానికీ’ సినిమా తర్వాత వీరిద్దరి కాంబినేషన్ లో వస్తున్న ఈ సినిమాలో ఎస్.జే.సూర్య కీలక పాత్ర పోషిస్తున్నారు.
Saripodhaa Sanivaaram Movie Updates
‘అంటే సుందరానికీ’ సినిమాలో చాలా సాఫ్ట్‌ పాత్రలో కనిపించిన నాని… ఈ సినిమాలో మునుపెన్నడూ చూడని యాక్షన్‌-ప్యాక్డ్‌ క్యారెక్టర్‌ లో కనిపించబోతున్నారు. దీనితో ఈ సినిమాపై భారీగా అంచనాలు పెరిగిపోయాయి. ఈ సినిమాకు సంబంధించి ఇప్పటికే విడుదల చేసిన ఫస్ట్ లుక్, టైటిల్ లుక్, టీజర్ కు మంచి రెస్పాన్స్ రావడంతో… సినిమా విడుదల తేదీ ఆగస్ట్‌ 29 కోసం అభిమానులు ఆశక్తిగా ఎదురుచూస్తున్నారు. ఈ నేపథ్యంలో ఉగాది కానుకగా ఈ సినిమా నుండి చిత్ర యూనిట్ ఓ స్పెషల్ పోస్టర్ ను రిలీజ్ చేసింది. ప్రస్తుతం ఆ పోస్టర్ సోషల్ మీడియాలో వైరల్ గా మారుతోంది.
ఉగాది శుభాకాంక్షలు తెలియజేస్తూ నాని, సాయి కుమార్‌లతో కూడిన కొత్త పోస్టర్‌ను విడుదల చేసింది చిత్ర యూనిట్. హై బడ్జెట్‌తో హ్యుజ్ కాన్వాస్‌పై ఈ యూనిక్ అడ్రినలిన్ ఫిల్డ్ అడ్వంచర్ ని నిర్మిస్తున్న ఈ సినిమాకు సంబంధించి ఇప్పటికే విడుదల చేసిన టీజర్ కు చాలా అద్భుతమైన రెస్పాన్స్ వచ్చింది. దీనితో తాజాగా ఉగాది శుభాకాంక్షలు తెలియజేస్తూ నాని, సాయి కుమార్ లతో కూడిన బ్రాండ్ న్యూ పోస్టర్‌ను విడుదల చేశారు. ఉగాది రోజున ఇది పర్ఫెక్ట్ పోస్టర్. సూర్యగా నాని, శంకరంగా సాయి కుమార్ ఇద్దరూ ఎథ్నిక్ వేర్‌ లో చిరునవ్వుతో కనిపించారు. ప్రస్తుతం ఈ పోస్టర్ నెట్టింట వైరల్ గా మారుతోంది.
Also Read : Vijay Antony: తనకు మెమరీపవర్ తక్కువ అంటోన్న విజయ్ ఆంటోని !