సినిమా అంటే బోలెడు క‌ష్టం. ఎంతో మంది ఏక కాలంలో క‌ష్ట ప‌డితేనే కానీ ఆశించినంత అవుట్ పుట్ రాదు. బ‌డా నిర్మాత‌లు చిన్న సినిమాల‌ను అంత‌గా ఎంక‌రేజ్ చేయ‌రు. ఇక టాలీవుడ్ లో కొంద‌రిదే హ‌వా. ఒక ర‌కంగా చెప్పాలంటే ఆ న‌లుగురు హీరోలకే ఎక్కువ ప్ర‌యారిటీ ఉంటుంది. వారిని కాద‌న‌డానికి ఏమీ లేదు. ఎందుకంటే వాళ్లు చెప్పిన‌ట్టే చేయాల్సి ఉంటుంది. లేక పోతే మార్కెట్ ఉండ‌దు.
మోనోపొలినీ త‌ట్టుకుని నిల‌బ‌డేలా చేసింది గూగుల్ అని చెప్ప‌క త‌ప్ప‌దు. యూట్యూబ్ వ‌చ్చాక సీన్ మారింది. మంచి కంటెంట్ తో షార్ట్ ఫిలింలు వ‌స్తున్నాయి. అంతే కాదు వీటి ద్వారా న‌టీ న‌టులుగా, సాంకేతిక నిపుణులుగా స‌క్సెస్ అయిన వాళ్లు లేక పోలేదు. ఆ మ‌ధ్య‌న త‌రుణ్ భాస్క‌ర్ తీసిన పెళ్లి చూపులు బిగ్ స‌క్సెస్.
ఇదే స‌మ‌యంలో ఆ మ‌ధ్య‌న సినిమా బండి చిత్రం వ‌చ్చింది. ప్రేక్ష‌క ఆద‌ర‌ణ పొందింది. ఇందులో న‌టించిన హీరో వికాస్ వ‌శిష్ట తీసిన కొత్త సినిమానే నీతో నేను చిత్రం. ఈ మూవీని కేవ‌లం 33 రోజుల్లోనే పూర్తి చేశారు ద‌ర్శ‌కుడు. కుషిత క‌ళ్ల‌పు, మోక్ష హీరో హీరోయిన్లుగా శ్రీ‌మామిడి ఎంట‌ర్ టైన్మెట్ బ్యాన‌ర్ పై అంజిరామ్ ద‌ర్శ‌క‌త్వంలో ఎం. సుధాక‌ర్ రెడ్డి నిర్మించారు.
ఇటీవ‌లే ట్రైల‌ర్ రిలీజ్ చేశారు. మంచి ఫీడ్ బ్యాక్ వ‌చ్చింది. దీంతో అక్టోబ‌ర్ 13న శుక్ర‌వారం నీతో నేను విడుద‌ల కానుంది. ఒక ర‌కంగా ఫీల్ గుడ్ మూవీగా తెర‌కెక్కించే ప్ర‌య‌త్నం చేశాడు డైరెక్ట‌ర్.