Nayanthara: దక్షిణాది సినీ పరిశ్రమలో లేడీ సూపర్ స్టార్ నయనతారది ప్రత్యేకమైన స్థానం. నాలుగు పదుల వయసులోనూ చెక్కు చెదరని అందం, అభినయంతో లేడీ ఓరియెంటెడ్ సినిమాలతో పాటు పాన్ ఇండియా సినిమాల్లో వరుస అవకాశాలు చేజిక్కించుకుంటోంది. అయితే ఎన్నికోట్ల బడ్జెట్ సినిమా అయినా, ఎంత పెద్ద హీరో అయినా… నయనతార(Nayanthara) మాత్రం ఎప్పుడూ సినిమా ప్రమోషన్లలో కనిపించదు. చివరకు తను నటించిన లేడీ ఓరియెంటెడ్ సినిమాల ప్రమోషన్లలో కూడా ఆమె పాల్గొనదు. ఇదే విషయాన్ని నిర్మాతలకు, దర్శకులకు చివరకు బడా హీరోలకు సైతం ఖరాఖండీగా చెప్పేస్తుంది. ఒక ప్రాజెక్ట్‌కు సంతకం పెట్టే సమయంలోనే ప్రమోషన్స్‌ కార్యక్రమాలకు రానని ముందే స్పష్టంగా చెప్పి రూల్‌ పెట్టేస్తుంది. ఈ నేపథ్యంలోనే చిరంజీవి, షారూఖ్ ఖాన్ వంటి బడా హీరోలతో నటించినా… ఒక్క సినిమా ప్రమోషన్ లో కూడా ఈమె కనిపించలేదు.
Nayanthara Movie Updates
గత రెండు దశాబ్దాలుగా తాను పెట్టుకున్న రూల్స్ ను నిర్మొహమాటంగా పాటించే ఈ లేడీ సూపర్ స్టార్… ఎట్టకేలకు తనకు నచ్చిన దర్శకుడి కోసం నిబంధనలు సడలించింది. తనకు నచ్చిన దర్శకుడు విష్ణువర్ధన్ కోసం… ఫస్ట్ టైం తన రూల్‌ను బ్రేక్‌ చేసింది నయనతార(Nayanthara). తెలుగులో పవన్‌ కళ్యాణ్‌ నటించిన ‘పంజా’ సినిమా దర్శకుడు విష్ణువర్ధన్ కోసం ఆమె ఒక ప్రమోషన్ కార్యక్రమంలో పాల్గొంది. తాజాగా విష్ణువర్ధన్ ‘నేసిప్పయ’ అనే సినిమా తీశారు. అందులో అదితి శంకర్ ప్రధాన పాత్ర పోషించింది. కానీ ఈ సినిమాకు పెద్దగా బజ్‌ లేదు. దీనితో ఈ సినిమా ప్రమోషన్ కోసం నయనతారను కోరితే ఆమె ఒప్పేసుకుంది.
అందుకు ఒక కారణం కూడా ఉంది అని చెప్పవచ్చు. విష్ణువర్ధన్ తమిళ్‌లో బిల్లా సినిమాను డైరెక్ట్‌ చేశాడు. ఆ సినిమాలో నయనతారను ఎంపిక చేయడం వల్ల ఆమె కెరియర్‌ మారిపోవడం జరిగింది. ఆ సినిమా తర్వాత నయనతారకు భారీగా డిమాండ్‌ పెరిగింది. వరుసుగా సినిమా ఆఫర్లు క్యూ కట్టేశాయ్‌. అలా ఇప్పుడు అభిమానులు లేడీ సూపర్ స్టార్ గా పిలుచుకునే రేంజ్‌కు నయనతార చేరుకుంది. ఆ అభిమానంతోనే నయనతార తన రూల్స్‌ను పక్కన పెట్టినట్లు తెలుస్తోంది. విష్ణువర్ధన్ తన కుటుంబ సభ్యుడు లాంటి వాడు కావడం వల్లే ఈ కార్యక్రమానికి వచ్చినట్లు నయన్‌ చెప్పుకొచ్చింది.
Also Read : NTR Film Awards 2023: ఎన్టీఆర్ అవార్డ్స్ లో సత్తా చాటిన ‘బేబీ’ సినిమా !