Nayanatara: చెన్నైలో జరిగిన ఓ ఇంటర్నేషనల్ క్రికెట్ టెస్ట్ మ్యాచ్ ముగ్గురు వ్యక్తుల జీవితాలను ఎలా ప్రభావితం చేసిందనే ఆశక్తికరమైన కథనంలో స్పోర్ట్స్ డ్రామాగా రూపొందిస్తున్న సినిమా ‘టెస్ట్’. ఈ సినిమాలో లేడీ సూపర్ స్టార్ నయనతారతో పాటు ఆర్ మాధవన్, సిద్ధార్ధ్ లు ప్రధాన పాత్రలు పోషిస్తున్నారు. మీరా జాస్మిన్ కూడా ఓ కీలక పాత్రలో నటిస్తోంది. వైనాట్‌ స్టూడియోస్‌ పతాకంపై చక్రవర్తి రామచంద్ర, శశికాంత్ సంయుక్తంగా నిర్మిస్తున్న ఈ సినిమాకు మొదటి సారి నిర్మాత శశికాంత్ దర్శకత్వం వహిస్తున్నారు. ప్రముఖ సింగర్‌ శక్తి శ్రీగోపాలన్‌ మ్యూజిక్‌ డైరెక్టర్‌గా ఎంట్రీ ఇస్తున్న ఈ సినిమా షూటింగ్ ఇటీవలే పూర్తి చేసుకుని పోస్ట్ ప్రొడక్షన్ పనులు ప్రారంభించినట్లు తెలుస్తోంది. ఈ నేపథ్యంలో ఈ ‘టెస్ట్’ సినిమాను వేసవిలో విడుదల చేయనున్నట్లు చిత్ర యూనిట్ అధికారికంగా వెల్లడించింది.
Nayanatara Viral
‘టెస్ట్’ సినిమాను గత ఏడాది నవంబరులో విడుదల చేయాలనుకున్నప్పటికీ అనివార్య కారణాల వలన వేసవికి వాయిదా వేసారు. తెలుగు, తమిళ, కన్నడ, మలయాళ, హిందీ భాషల్లో విడుదల చేస్తున్నట్లు చిత్ర యూనిట్ అధికారికంగా ప్రకటించింది. ఈ సినిమాలో కుముధ పాత్రలో నయనతార(Nayanatara), క్రికెటర్‌ అర్జున్‌ గా సిద్ధార్థ్‌ కనిపించగా ఆర్.మాధవన్, మీరా జాస్మిన్ తదితర కీలక పాత్రల్లో నటిస్తున్నారు. తాజాగా ఈ సినిమా చిత్రీకరణను పూర్తిచేసుకున్నట్లు నయనతార తన సోషల్ మీడియా వేదికగా ఓ వీడియోను షేర్ చేసింది. ‘జీవితాన్ని ఆడించే ‘టెస్ట్’ ఆట ముగిసింది. ఈ వేసవికి థియేటర్లలో కలుద్దాం!’ అంటూ కామెంట్ పెట్టింది. దీనితో నయనతార ‘టెస్ట్’ కోసం వేసవికోసం వెయిటింగ్ అంటూ నెటిజన్లు కామెంట్లు పెడుతున్నారు.
Also Read : I Hate You Trailer : ‘ఐ హేట్ యు’ అనే ఒక కొత్త కథతో వస్తున్న యంగ్ హీరో