Narudi Brathuku Natana: శివ కుమార్ రామచంద్రవరపు, నితిన్ ప్రసన్న, శృతి జయన్, ఐశ్వర్యా అనిల్ కుమార్, వైవా రాఘవ ముఖ్య పాత్రల్లో నటించిన చిత్రం ‘నరుడి బ్రతుకు నటన(Narudi Brathuku Natana)’. ఈ మూవీని రిషికేశ్వర్ యోగి తెరకెక్కిస్తున్నారు. నిర్మాత టీజీ విశ్వ ప్రసాద్, సుకుమార్ బొరెడ్డి, డా. సింధు రెడ్డి సంయుక్తంగా నిర్మించిన ఈ చిత్రానికి వివేక్ కూఛిబొట్ల సహా నిర్మాతగా వ్యవహరిస్తున్నారు. ఇప్పటికే ఈ చిత్రం నుంచి రిలీజ్ చేసిన గ్లింప్స్, పోస్టర్లు మంచి బజ్‌ను క్రియేట్ చేయగా.. తాజాగా ఈ మూవీ నుండి ‘చెప్పలేని అల్లరేదో’ అనే రొమాంటిక్ సాంగ్ లిరికల్ వీడియోని మేకర్స్ రిలీజ్ చేసారు.
Narudi Brathuku Natana Movie Updates
‘చెప్పలేని అల్లరేదో తొంగి చూసే.. కళ్ళలోనా ఇది ఏ మహిమో తెలియదు గానీ మది పసిపాపై సరదా పడెనే నీవే.. నీవే.. నే వెతికిన లాలనవే.. ’ అంటూ సాగిన ఈ పాటను చిత్రన్ రచించగా.. అనంతు ఆలపించారు. లోపెస్ ఇచ్చిన మెలోడీయస్ ట్యూన్ వినగానే ఆకట్టుకునేలా ఉంది. అలాగే ఈ లిరికల్ వీడియోలో చూపించిన విజువల్స్ మరింత హైలెట్ అవుతున్నాయి. ఈ చిత్రం విడుదలకు ముందే దాదాపు అరవైకి పైగా అంతర్జాతీయ అవార్డులను గెలుచుకున్న సంగతి తెలిసిందే. ఈ విషయం మేకర్స్ చెబుతూ వస్తున్నారు. ఇప్పుడు విడుదల తర్వాత కూడా ప్రేక్షకుల నుండి మంచి స్పందనను రాబట్టుకుంటుందని, తప్పకుండా మంచి చిత్రంగా పేరుపొందుతుందని మేకర్స్ భావిస్తున్నారు. కేరళలోని అందమైన ప్రాంతాల్లో తెరకెక్కించిన ఈ చిత్రాన్ని పీపుల్ మీడియా ఫ్యాక్టరీ త్వరలో ప్రేక్షకుల ముందుకు తీసుకు రావటానికి సన్నాహాలు చేస్తుంది. చిత్ర విడుదల తేదీని త్వరలోనే ప్రకటించనున్నారు.
Also Read : Teenz Movie OTT : ఓటీటీలో అదరగొడుతున్న తమిళ అడ్వెంచర్ థ్రిల్లర్ ‘టీన్స్’