Multi Starer : తెలుగు సినిమా పరిశ్రమలో ఇప్పుడు మల్టీస్టారర్స్ మళ్ళీ మొదలవుతున్నాయి. తాజా సమాచారం ప్రకారం ఇద్దరు యువ నటులు మల్టీ స్టారర్ సినిమా చెయ్యాలని నిర్ణయించుకున్నట్టుగా తెలుస్తోంది. బెల్లంకొండ సాయి శ్రీనివాస్, నారా రోహిత్ ఈ ఇద్దరూ కలిసి ఒక మల్టీ స్టారర్ సినిమాలో నటించనున్నారని తెలిసింది. ఈ సినిమా ఆగస్టు మొదటి వారంలో అధికారికంగా లాంచ్ అయ్యే సూచనలు కూడా కనిపిస్తున్నాయి. బెల్లంకొండ సాయి శ్రీనివాస్ వరస సినిమాలతో బిజీగా వున్నారు, అలాగే నారా రోహిత్(Nara Rohit) కూడా ఇప్పుడు బిజీ అయిపోయారు. అయినా కూడా ఈ ఇద్దరికీ ఒక కథ నచ్చడంతో ఇద్దరూ కలిసి సినిమా చెయ్యాలని నిర్ణయించుకోవటం ఒక శుభ పరిణామం అని చెప్పాలి. ‘ నాంది’ లాంటి ఒక మంచి సినిమాని అందించిన విజయ్ కనకమేడల ఈ మల్టీ స్టారర్ సినిమాకి దర్శకత్వం వహిస్తున్నట్టుగా భోగట్టా.
Multi Starer Movie Updates
ఈ మల్టీ స్టారర్ సినిమాని ప్రముఖ నిర్మాత కెకె రాధామోహన్ నిర్మించనున్నారని తెలుస్తోంది. విజయ్ కనకమేడల కథని ఈ ఇద్దరి నటులకి వినిపించినప్పుడు వారిద్దరికీ ఈ కథ ఎంతగానో నచ్చి ఇద్దరూ ఈ సినిమా చెయ్యడానికి నిర్ణయించుకున్నట్టుగా తెలుస్తోంది. ఆగస్టులో ఈ సినిమాకి ముహూర్తం కూడా సెట్ చేసినట్టుగా కూడా ఒక భోగట్టా. విజయ్ కనకమేడల ఇంతకు ముందు అల్లరి నరేష్ కథానాయకుడిగా ‘నాంది’ అనే ఒక మంచి సినిమా చేశారు. దర్శకుడిగా అతని ప్రతిభకి ఆ సినిమా ఒక మంచి నిదర్శనం. అటువంటి విజయ్ ఇప్పుడు ఈ మల్టీ స్టారర్ సినిమా చేస్తున్నారు అంటే, ఈ సినిమాపై అంచనాలు పెద్దగా ఉన్నాయని అంటున్నారు.
Also Read : Malaika Arora : ఐదు పదుల వయసులోనూ 3 వ సారి ప్రేమలో పడ్డ బాలీవుడ్ భామ