Nani : వైరా ఎంటర్‌టైన్‌మెంట్స్‌ పతాకంపై మోహన్ చెరుకూరి, విజయేంద్రరెడ్డి తీగల, మూర్తి కె ఎస్ నిర్మాతలుగా నేచురల్ స్టార్ నాని, మృణాల్ ఠాకూర్ జంటగా నటిస్తున్న చిత్రం ‘హాయ్‌ నాన్న’. యువ దర్శకుడు శౌర్యువ్ దర్శకత్వం వహిస్తున్న ఈ సినిమాకు హేసమ్ అబ్ధుల్ వాహబ్ సంగీతం అందిస్తున్నారు. శ్రుతి హాసన్‌, బేబీ కియారా కీలక పాత్రలు పోషిస్తున్నారు.
డిసెంబరు 7న ప్రపంచ వ్యాప్తంగా విడుదల చేస్తున్న ఈ సినిమాకు సంబందించి ప్రమోషన్ షురూ అయింది. ఈ నేపథ్యంలో హైదరాబాద్ వేదికగా నిర్వహించిన ట్రైలర్ లాంచ్ కార్యక్రమంలో హీరో నాని ఆశక్తికర వ్యాఖ్యలు చేసారు. సినిమా అంటే నాకు ఆక్సిజన్ లాంటిది. ఆ ఆక్సిజన్ మీద ఒట్టేసి చెప్తున్న ‘హాయ్‌ నాన్న’ మీకు ఖచ్చితంగా నచ్చుతుంది అన్నారు.
Nani – ‘హాయ్‌ నాన్న’ నా ఊపిరి…
ట్రైలర్ లాంచ్ లో పాల్గొన్న నేచురల్ స్టార్ నాని(Nani) మాట్లాడుతూ ‘‘హాయ్‌ నాన్న’లో నా లుక్‌ చాలా బాగుంటుంది. నాకు నేనే బాగా నచ్చా. ఇన్నేళ్లలో ఏ సినిమాకూ ఇలా అనిపించలేదు. పాటలు, టీజర్‌, ట్రైలర్లలో లేనిది, మీరు ఊహించనిది సినిమాలో చాలా ఉంది. సినిమా నాకు ఆక్సిజన్‌తో సమానం. ఈ ఊపిరిపై ఒట్టేసి చెబుతున్నా.. ఈ చిత్రంతో మీరంతా ప్రేమలో పడతారు’’ అంటూ ‘హాయ్‌ నాన్న’ సినిమాపై ధీమా వ్యక్తం చేశారు. చిత్రీకరణలో భాగంగా కంటికి గాయమైందని, అందుకే కళ్లజోడు పెట్టుకున్నానని తెలిపారు.
‘జెర్సీ’ లో కొడుకు… ‘హాయ్‌ నాన్న’లో కూతురు
ఈ సందర్భంగా అభిమానులతో ముచ్చటించిన నాని… ‘జెర్సీ’లో కొడుకు ఎమోషన్ తో వస్తే… ‘హాయ్‌ నాన్న’లో కూతురు… ఎమోషన్ తో వస్తున్నాను. ‘జెర్సీ’ ఎలా మీ హృదయాలను హత్తుకుందో ‘హాయ్‌ నాన్న’ కూడా అలానే హత్తుకుంటుంది అని అన్నారు. అంతేకాదు ఫలితాలతో నాకు సంబంధంలేకుండా నాకు నచ్చిన పని చేసుకుంటూ వెళ్లిపోతా అని నాని అన్నారు.
Also Read : Prabhas: ‘యానిమల్‌’ ట్రైలర్ పై ప్రభాస్ ప్రశంసల వర్షం