Nagarjuna:టాలీవుడ్ కింగ్ నాగార్జున, కోలీవుడ్ స్టార్ హీరో ధనుష్ ప్రధాన పాత్రల్లో శేఖర్ కమ్ముల తెరకెక్కిస్తోన్న చిత్రం ‘కుబేర’. సునీల్‌ నారంగ్‌, పుస్కుర్‌ రామ్‌ మోహన్‌రావు నిర్మిస్తున్న ఈ సినిమాలో రష్మిక మందన్నా కథానాయిక. శేఖర్ కమ్ముల, నాగార్జున, ధనుష్ కాంబినేషన్ లో తొలిసారి వస్తున్న ఈ సినిమాకు దేవిశ్రీ ప్రసాద్ సంగీతం అందిస్తున్నారు. ఇప్పటికే సగానికి పైగా షూటింగ్ కంప్లీట్ చేసుకున్న ఈ సినిమాకు సంబంధించిన నాగార్జున ఫస్ట్ లుక్ వీడియోను మూవీ మేకర్స్ విడుదల చేసారు. అందులో నాగార్జున భారీగా డబ్బులున్న కంటైనర్‌ ముందు వర్షంలో గొడుగు పట్టుకొని నడిచొస్తున్నట్టు కనిపించింది. సినిమా నుంచి కింంగ్ నాగార్జున ఫస్ట్ లుక్ ను రిలీజ్ చేయ‌డ‌మే కాకుండా సినిమా థీమ్‌ను వివ‌రించేలా వీడియోను డిస్నీ ఫ్ల‌స్ హాట్‌స్టార్‌లో విడుదల చేశారు. ప్రస్తుతం నాగార్జున ఫస్ట్ లుక్ వీడియో సోషల్ మీడియాలో వైరల్ గా మారుతోంది.
Nagarjuna:
ఇక నాగార్జున ఫస్ట్ లుక్ వీడియో విషయానికి వస్తే… భారీ వ‌ర్షం ప‌డుతుండ‌గా నిండా డ‌బ్బుల‌తో ఉన్న కంటైన‌ర్ల మధ్య నాగార్జున(Nagarjuna) గొడుగుతో నిల్చుని కింద పడి ఉన్న రూ.500 నోట్ల‌ను కంటైనర్లో పెట్ట‌డాన్ని చూయిస్తూ సినిమాపై ఆస‌క్తి పెరిగేలా చేశారు. ఆ వర్షంలో ఓ కరెన్సీ నోటు కింద బురదలో పడి ఉంటుంది. అప్పుడు నాగార్జున తన జేబులోంచి ఓ నోటు తీసి ఆ కంటైనర్లో ఉన్న డబ్బుల మధ్య పెడతారు. ఈ ‘కుబేర’ సినిమా షూటింగ్ ఇప్పటికే శ‌ర‌వేగంగా జ‌రుగుతుండ‌గా ఈ సంవ‌త్స‌రం ద‌స‌రాకు గానీ దీపావ‌ళికి గానీ విడుదల చేయ‌నున్న‌ట్లు స‌మాచారం.