Alia Bhatt : బాలీవుడ్ బ్యూటీ అలియా భట్ ప్రస్తుతం నటిస్తోన్న సినిమా ‘జిగ్రా’. ఇప్పటికే ఈ మూవీపై భారీ అంచనాలు నెలకొన్నాయి. ఇందులో అలియాతోపాటు వేదాంగ్ రైనా సైతం మెయిన్ లీడ్ రోల్ పోషిస్తున్నారు. డైరెక్టర్ వాసన్ బాల ఈ చిత్రానికి దర్శకత్వం వహిస్తున్నారు. ఇప్పటికే ఈ సినిమా నుంచి విడుదలైన పోస్టర్స్ మూవీపై ఓ రేంజ్ ఎక్స్పెక్టేషన్స్ క్రియేట్ చేశాయి. తాజాగా ఆదివారం విడుదలైన ఈ టీజర్ ఆకట్టుకుంటుంది. ఇందులో అలియా యాక్షన్ లుక్.. యాక్టింగ్ చూసి జనాలు ఆశ్చర్యపోతున్నారు. ఇన్నాళ్లు గ్లామర్ బ్యూటీగా కనిపించిన అలియా ఈ మూవీ టీజర్ లో మాత్రం యాక్షన్ సీన్స్ అదరగొట్టేసింది. వేదాంగ్ రైనాతో కలిసి పోటీ పడి మరి నటించిందంటున్నారు. ఈ క్రమంలో తాజాగా అలియా నటనపై డైరెక్టర్ నాగ్ అశ్విన్ ఇంట్రెస్టింగ్ కామెంట్స్ చేశారు. జిగ్రా మూవీ టీజర్ చూసిన నాగ్ అలియాను ఉద్దేశిస్తూ తన ఇన్ స్టాలో పోస్ట్ చేశారు.
Alia Bhatt Movies
“వాసన్ బాలా, అలియా భట్.. ఇద్దరు అద్భుతాలు చేశారు. ఇక ఈ సినిమా కోసం ఇంకా వెయిట్ చేయలేము” అంటూ తన ఇన్ స్టా స్టోరీలో పోస్ట్ చేస్తూ అలియా(Alia Bhatt) యాక్టింగ్ పై ప్రశంసలు కురిపించారు. ఇక నాగ్ అశ్విన్(Nag Ashwin) పోస్టుకు అలియా రియాక్ట్ అవుతూ దర్శకుడికి కృతజ్ఞతలు తెలియజేసింది. నాగ్ అశ్విన్‌తో పాటు హన్సల్ మెహత్, అర్జున్ కపూర్, శర్వరీ వాఘ్, అమర్ కౌశిక్, వివేక్ అగ్నిహోత్రి వంటి స్టార్స్ సైతం అలియా యాక్షన్ చిత్రం టీజర్‌పై ప్రశంసలు కురిపిస్తున్నారు. తన అన్నను కష్టాల నుంచి కాపాడేందుకు ఏదైనా చేయగలిగిన సోదరి కథ ‘జిగ్రా’. టీజర్‌లో, అలియా భట్ తన సోదరుడు వేదంగ్ రైనాను విదేశీ జైలు నుండి విడిపించడానికి పోరాడుతున్నట్లు కనిపించింది.
అంతేకాదు.. అదే వీడియోలో తన సోదరుడిని కాపాడుకునేందుకు శత్రువులతో భయంకరంగా పోరాటం చేసింది. సినిమా టీజర్ మొత్తం యాక్షన్, ఎమోషన్స్‌తో నిండిపోయి సంచలనం రేపుతోంది. అలాగే ఈ టీజర్ లో అలియా డైలాగ్స్ మాత్రం హైలెట్ అయ్యాయి. ధర్మ ప్రొడక్షన్స్ బ్యానర్‌పై రూపొందిన ‘జిగ్రా’ అక్టోబర్ 11న థియేటర్లలోకి రానుంది. ఈ చిత్రంలో అలియా, వేదాంగ్‌లతో పాటు ఆదిత్య నందా, మనోజ్ పహ్వా, రాహుల్ రవీంద్రన్ కీలక పాత్రల్లో కనిపించనున్నారు.
Also Read : Jayam Ravi : తన భార్యతో విడాకులు తీసుకుంటున్న నటుడు జయం రవి