Megastar Viswambhara : మెగాస్టార్ చిరంజీవి దేశంలోనే రెండవ అత్యున్నత పౌర పురస్కారం పద్మవిభూషణ్‌ను అందుకోవడం ఆయన అభిమానులందరినీ ఆనందపరిచింది. గత రెండు రోజులుగా సోషల్ మీడియాలో మెగాస్టార్ పేరు మార్మోగుతోంది. సినీ తారలందరూ చిరంజీవిని స్వయంగా కలిసి అభినందించారు. ఇప్పుడు రాబోయే చిత్రం ‘విశ్వంభర’ గురించి తాజా అప్‌డేట్‌లు వచ్చాయి.
Megastar Viswambhara Movie Updates
నిర్మాణ దశలోనే ఉన్న ఈ ప్రతిష్టాత్మక ప్రాజెక్ట్ డిస్ట్రిబ్యూషన్ హక్కులను అమెరికా డిస్ట్రిబ్యూషన్ కంపెనీ సరిగమ సినిమాస్ సొంతం చేసుకున్నట్లు ప్రకటించారు. 15 కోట్లకు ఈ హక్కులను కొనుగోలు చేసినట్లు సమాచారం. అయితే దీనికి సంబంధించి ఇంకా అధికారిక ప్రకటన లేదు. అయితే ఈ విషయం సోషల్ మీడియాలో వేగంగా వ్యాపిస్తోంది. ప్రస్తుతం ‘విశ్వంభర’ సినిమా భారీ హిట్ అవుతుందని అభిమానులు పోస్ట్ చేస్తున్నారు.
వశిష్ఠ దర్శకత్వం వహించిన చిత్రం “బింబిసార` పెద్ద హిట్‌గా నిలిచింది. ఇటీవ‌ల విడుద‌లైన టైటిల్ స్నీక్ పీక్‌కి మంచి రెస్పాన్స్ వ‌చ్చింది. ఈ ప్రాజెక్ట్‌ను యూవీ క్రియేషన్స్ బ్యానర్ నిర్మిస్తోంది. ఆస్కార్ విజేత ఎంఎం కీరవాణి ఈ చిత్రానికి సంగీతం అందించనున్నారు. 2025 సంక్రాంతి పండుగ సమయానికి చిత్రాన్ని విడుదల చేయాలని విశ్వంభర టీమ్ భావిస్తుంది. చిత్ర తారాగణానికి సంబంధించిన వివరాలు ఇంకా తెలియరాలేదు.
వశిష్ఠ మరియు చిరంజీవిల ఈ ప్రాజెక్ట్ ప్రారంభం నుండి చాలా సంచలనం సృష్టించింది. ఇక చాలా ఇంటర్వ్యూలలో కూడా దర్శకుడు వశిష్ఠ సినిమా గురించి చాలా ధీమాగా మాట్లాడాడు. చిరంజీవి(Chiranjeevi) కెరీర్‌లో టాప్‌ త్రీలో ఈ సినిమా తప్పకుండా నిలుస్తుందని వ్యాఖ్యానించారు. ప్రేక్షకులను మంత్రముగ్ధులను చేసే కొత్త ‘విశ్వంభర’ ప్రపంచాన్ని సృష్టిస్తున్నట్లు వశిష్ఠ తెలిపారు. ఈ సినిమాలో నటీనటుల ఎంపిక విషయంలో చాలా జాగ్రత్తలు తీసుకున్నట్లు సమాచారం. సోషల్ ఫాంటసీ జానర్ లో రూపొందిన విశ్వంభర చిత్రం జగదేక వీరుడు అతిలోక సుందరితో కూడా పోలికలు పెట్టనున్నారనే చర్చ జరుగుతోంది.
అయితే ఓవరాల్‌గా విశ్వంభర విడుదలకు ముందే బలంగా వినిపిస్తోంది. గతంలో చిరంజీవి(Chiranjeevi) నటించిన భోళా శంకర్ సినిమా బాక్సాఫీస్ వద్ద పరాజయం పాలైన సంగతి తెలిసిందే. మెహర్ రమేష్ దర్శకత్వం వహించిన ఈ చిత్రం చిరుఫ్యాన్స్‌ను తీవ్ర నిరాశకు గురి చేసింది. భారీ అంచనాలున్న ఈ సినిమా డిజాస్టర్‌గా నిలిచింది. అందుకే విశ్వంభర సినిమా నుంచి భారీ విజయాన్ని ఆశిస్తున్నారు అభిమానులు.
Also Read : Lavanya Tripathi : విశాఖ ఆర్కె బీచ్ లో పరిశుభ్రత కార్యక్రమం చేపట్టిన మెగా కోడలు