Megastar Vishwambhara: బింబిసార ఫేం వశిష్ఠ దర్శకత్వంలో మెగాస్టార్ చిరంజీవి నటిస్తున్న తాజా సినిమా ‘విశ్వంభర’. చిరు కెరీర్ లో అంజి, జగదేక వీరుడు అతిలోక సుందరి తర్వాత సోషియోఫాంటసీ జానర్ లో పూర్తిస్థాయిలో రూపొందుతున్న ఈ సినిమాను… బియాండ్ యూనివర్స్ గా తెరకెక్కిస్తున్నట్లుగా దర్శకుడు వశిష్ఠ ప్రకటించారు. దీనితో ఈ సినిమాపై పాన్ ఇండియా స్థాయిలో హైప్ క్రియేట్ అయింది. ఆ హైప్ కు తగ్గట్టుగా మెగాస్టార్ చిరంజీవి జిమ్ వర్కౌట్స్ చేస్తూ న్యూ లుక్ తో సినిమా కోసం కష్టపడుతున్నారు. చిరంజీవి జిమ్ వర్కౌట్స్ కు సంబంధించిన పోస్ట్ చేసిన వీడియో ఆ వీడియో సోషల్ మీడియాలో ప్రస్తుతం ట్రెండింగ్ లో ఉంది.
Megastar Vishwambhara Updates
అయితే ఈ వీడియో పోస్ట్ చేసి 24 గంటలు కాకముందే… చిత్ర యూనిట్ అభిమానులకు అదిరిపోయే అప్ డేట్ ఇచ్చింది. ఈ సినిమాను సంక్రాంతి కానుకగా 2025 జనవరి 10న ప్రపంచ వ్యాప్తంగా విడుదల చేస్తున్నట్లు అధికారికంగా ప్రకటించింది. అంతేకాదు దీనికి సంబంధించి ‘అతీత శక్తుల పోరాటం నుంచి లెజెండ్స్‌ అవతరిస్తారు’ అంటూ ఓ పవర్‌ఫుల్‌ పోస్టర్‌ను షేర్‌ చేసింది. దీనితో ఈ హ్యాష్‌ట్యాగ్‌ సోషల్ మీడియాలో ట్రెండింగ్ లోకి వచ్చింది.
యూవీ క్రియోషన్స్ బ్యానర్ పై ‘బింబిసార’ వంటి సూపర్‌ హిట్‌ తర్వాత వశిష్ఠ దర్శకత్వం వహిస్తున్న సినిమాలో చిరు సరసన అనుష్క శెట్టి, మృణాల్ ఠాకూర్‌ నటించనున్నారనే వార్తలు వస్తున్నాయి. ఈ సినిమాకి ఎంఎం కీరవాణి సంగీతమందిస్తున్నారు. ప్రస్తుతం ఈ సినిమా షూటింగ్‌ శరవేగంగా జరుగుతోంది. ‘మెగాస్టార్(Megastar) స్వచ్ఛమైన ఫాంటసీ జోనర్‌ చిత్రంలో నటించి మూడు దశాబ్దాలు అవుతోంది. ఈ సినిమా కోసం సృష్టిలో అత్యంత ముఖ్యమైన పంచభూతాలు, త్రిశూల శక్తి.కి ఆధ్యాత్మికతను జోడిస్తూ ఒక కొత్త ప్రపంచాన్ని సృష్టించనున్నాం. దాన్ని చూసి అందరూ ఆశ్చర్యపోతారు’ అని ఈ సినిమాపై దర్శకుడు వశిష్ఠ అంచనాలు పెంచేశారు. దీనితో ఈ సినిమా కోసం మెగాస్టార్ అభిమానులు ఆశక్తిగా ఎదురుచూస్తున్నారు.
Also Read : Nayanatara: వేసవిలో నయనతార ‘టెస్ట్‌’ మ్యాచ్‌ !