హైద‌రాబాద్ – వినాయ‌క‌తి చ‌వితి సంద‌ర్బంగా మెగాస్టార్ చిరంజీవి ప్ర‌తి ఒక్క‌రికీ పేరు పేరునా వినాయ‌క చ‌వితి శుభాకాంక్ష‌లు తెలిపారు. ట్విట్ట‌ర్ వేదిక‌గా సోమ‌వారం ఆయ‌న ఫోటోల‌ను పంచుకున్నారు. ఈ సంద‌ర్బంగా ఇంటిల్లిపాది వినాయ‌కుడి విగ్ర‌హానికి పూజ‌లు చేశారు.
ఈ ప‌విత్ర పూజోత్స‌వ కార్య‌క్ర‌మంలో మెగా స్టార్ , భార్య సురేఖ, కొడుకు రామ్ చ‌ర‌ణ్ , కోడ‌లు ఉపాస‌న , మ‌నుమ‌రాలు క్లిన్ కారాతో క‌లిసి పాల్గొన్నారు. ఈ సంద‌ర్భంగా మెగాస్టార్ చిరంజీవి ఆస‌క్తిక‌ర వ్యాఖ్య‌లు చేశారు.
ఆ దేవ దేవుడు విఘ్నేశ్వ‌రుడి ఆశీస్సులు ప్ర‌తి ఒక్క‌రికీ ఉండాల‌ని, విఘ్నాలు తొల‌గి పోయి విజ‌యాలు సాధించేలా దీవించాల‌ని స్వామి వారిని కోరుకున్న‌ట్లు మెగాస్టార్ చిరంజీవి తెలిపారు. విచిత్రం ఏమిటంటే ఈసారి ప్ర‌త్యేక‌త ఏమిటంటే త‌మ కుటుంబంలో కొత్త‌గా కారా రావ‌డ‌మేన‌ని పేర్కొన్నారు.
ఇదిలా ఉండ‌గా చిరంజీవి రోజు రోజుకు మ‌రింత యంగ్ గా మారి పోతున్నారు. ఆయ‌న వ‌య‌సు పెరిగినా ఎక్క‌డా త‌గ్గ‌డం లేదు. యంగ్ స్ట‌ర్స్ తో క‌లిసి పోటీ ప‌డుతున్నారు. కొత్త‌గా చిత్రాలు చేస్తున్నారు. ఇటీవ‌లే భోళా శంక‌ర్ లో న‌టించారు. తాజాగా మ‌రో చిత్రాన్ని అనౌన్స్ చేశారు.