Mega Star Chiranjeevi: మొదటి సినిమా ‘బింబిసార’ తో ప్రేక్షకులతో పాటు మెగాస్టార్ చిరంజీవి దృష్టిని ఆకర్షించిన యువ దర్శకుడు వశిష్ఠ. యువ దర్శకుడు వశిష్ఠ దర్శకత్వంలో Mega 156 వర్కింగ్ టైటిల్ తో తాను సినిమా చేస్తున్నట్లు ఇప్పటికే మెగాస్టార్ చిరంజీవి ప్రకటించారు. సోషియో ఫాంటసీ చిత్రంగా వశిష్ఠ తెరకెక్కిస్తున్న ఈ సినిమాకు ‘విశ్వంభర’ అనే టైటిల్ ను పరిశీలిస్తున్నారు. ఇటీవల రిలీజ్ చేసిన కాన్సెప్ట్ పోస్టర్ కు మంచి రెస్పాన్స్ వచ్చింది. ఈ సినిమాలో హీరోహీరోయిన్ సన్నివేశాలను మినహా మిగిలిన సన్నివేశాల్ని… మారేడుమిల్లి అడవుల్లో కీలక సన్నివేశాల్ని తెరకెక్కిస్తున్నారు. త్వరలోనే చిరంజీవి ఈ సినిమా సెట్లోకి అడుగు పెట్టనున్నారు. దీనితో ఈ సినిమాలో చిరంజీవి(Mega Star Chiranjeevi) సరసన ఎవరు నటిస్తున్నారు అనే చర్చ మొదలైయింది.
Mega Star Chiranjeevi – బాలీవుడ్ బ్యూటీలు, అనుష్కను వెనక్కినెట్టి ముందుకు వచ్చిన త్రిష
అయితే ఈ సినిమాలో చిరంజీవి సరసన నటించే కథానాయిక ఎంపికపై కొన్నాళ్లుగా చిత్రబృందం తీవ్ర కసరత్తులు చేస్తోంది. బాలీవుడ్ భామలు మొదలుకొని… అనుష్క వరకూ చాలా మంది పేర్లు వినిపించాయి. అయితే ఇప్పుడు ఆ జాబితాలో త్రిష చేరింది. గతంలో మురుగదాస్ దర్శకత్వంలో తెరకెక్కిన స్టాలిన్ సినిమాలో చిరంజీవి సరసన త్రిష నటించింది. దాదాపు పదిహేనేళ్ళ తరువాత మరల చిరంజీవితో… మరల జోడీ కట్టే అవకాశం త్రిషకే దక్కినట్టు సమాచారం. వచ్చే ఏడాది నుంచి చిరంజీవి, త్రిష ఇద్దరూ సినిమా సెట్లోకి అడుగు పెట్టొచ్చని సమాచారం.
సోషియో ఫాంటసీ చిత్రంగా ‘విశ్వంభర’ ?
యువి క్రియేషన్స్ బేనర్లో దాదాపు 200 కోట్ల రూపాయల భారీ బడ్జెట్‌తో నిర్మిస్తున్న ఈ చిత్రానికి యం.యం కీరవాణి సంగీతం అందిస్తున్నారు. పెద్దవాళ్లని మెప్పించే హాస్యం, చిన్నారుల్ని మెప్పించేలా ఫాంటసీ అంశాలకి పెద్ద పీట వేస్తూ ఈ సినిమాని తెరకెక్కిస్తున్నట్టు తెలుస్తోంది.
Also Read : Hero Vishal: సీబీఐ విచారణకు హాజరైన హీరో విశాల్‌