Mechanic Rocky: గామి, గ్యాంగ్స్ ఆఫ్ గోదావ‌రి వంటి హిట్ చిత్రాల త‌ర్వాత మాస్ కా దాస్ విశ్వక్ సేన్(Vishwak Sen) న‌టించిన తాజా సినిమా ‘మెకానిక్ రాకీ’. SRT ఎంటర్‌టైన్‌మెంట్స్ బ్యానర్ పై ప్రముఖ నిర్మాత రామ్ తాళ్లూరి భారీ బడ్జెట్‌ తో నిర్మించిన ఈ సినిమాతో రవితేజ ముళ్లపూడి ద‌ర్శ‌కుడిగా ప‌రిచ‌యం అవుతున్నారు. ఈ సినిమాలో మీనాక్షి చౌదరి హీరోయిన్‌గా నటిస్తోంది. తాజాగా ఈ మూవీ విడుదల తేదీ గురించి మేకర్స్ అప్డేట్ ఇచ్చారు. మెకానిక్ రాకీ సినిమాని అక్టోబర్ 31న దీపావళి సందర్భంగా ప్రపంచవ్యాప్తంగా థియేటర్లలో విడుదల చేస్తున్నట్లు మేకర్స్ అధికారికంగా ప్ర‌క‌టించారు. పండుగ వేళ గురువారం రోజున ఈ సినిమా రిలీజ్ కానుండ‌డంతో లాంగ్ వీకెండ్ క‌లిసొచ్చే అవ‌కాశం బాగా ఉంది.
Mechanic Rocky Movie Updates
తాజాగా విడుదల చేసిన రిలీజ్ డేట్ పోస్టర్‌లో విశ్వక్ సేన్ గన్, రెంచ్‌ ను పట్టుకుని బాడ్ యాస్ అవతార్‌ లో తన క్యారెక్టర్ ప్రజెంట్ చేస్తూ కనిపించారు. కామెడీ, యాక్షన్ ఎంటర్‌టైనర్‌గా రూపొందిన ఈ చిత్రంలో టాప్ టెక్నిషియన్స్ పనిచేస్తున్నారు. ఈ చిత్రానికి జేక్స్ బిజోయ్ సంగీతం అందించారు. మనోజ్ కటసాని డీవోపీ, అన్వర్ అలీ ఎడిటర్, క్రాంతి ప్రియం ప్రొడక్షన్ డిజైనర్. సత్యం రాజేష్, విద్యాసాగర్ జె ఎగ్జిక్యూటివ్ ప్రొడ్యూసర్స్ గా వ్యవహరిస్తున్నారు.
Also Read : Immaculate: హ‌ర్ర‌ర్ థ్రిల్ల‌ర్‌ తో భ‌య‌పెడుతున్న బోల్డ్ బ్యూటీ !