త‌మిళ సినిమా క‌ళ క‌ళ లాడుతోంది. కొత్త సినిమాల‌తో ప్రేక్ష‌కుల‌ను ఉక్కిరి బిక్కిరి చేస్తోంది. ప్ర‌తిభావంతులైన యువ ద‌ర్శ‌కులు త‌మ క‌ల‌ల‌కు కొత్త సొబ‌గులు అద్దుతున్నారు. ఎన్నో అడ్డంకుల‌ను ఎదుర్కొని విడుద‌లైంది మార్క్ ఆంటోనీ మూవీ.
ఇందులో ప్ర‌ధాన పాత్ర‌ల్లో న‌టించి మెప్పించారు విశాల్, ఎస్ జే సూర్య. ద‌ర్శ‌కుడు క్లైమాక్స్ ను అద్భుతంగా ముగించేలా చేశాడ‌ని ఫ్యాన్స్ మెచ్చుకుంటున్నారు. సెప్టెంబ‌ర్ 15న శుక్ర‌వారం ప్ర‌పంచ వ్యాప్తంగా విడుద‌లైంది.
ఇవాళ ట్విట్ట‌ర్ వేదిక‌గా మార్క్ ఆంటోనీ చిత్రం బాగుందంటూ ప్ర‌శంస‌లు కురిపిస్తున్నారు. త‌మిళ చిత్రాన్ని హిందీ, త‌మిళం, తెలుగు భాష‌ల‌లో రిలీజ్ చేశారు. ప్ర‌స్తుతం త‌మిళ ద‌ర్శ‌కుడు అట్లీ కుమార్ షారుక్ ఖాన్ తో తీసిన జ‌వాన్ తో పోటీ ప‌డుతుండ‌డం విశేషం.
అదిక్ ర‌విచంద్ర‌న్ మార్క్ ఆంటోనీ చిత్రానికి ద‌ర్శ‌క‌త్వం వ‌హించాడు. ఇందులో విశాల్, సూర్య పోటీ ప‌డి న‌టించారు. 2023 ఏడాదిలో త‌మిళ సినీ రంగానికి మంచే జ‌రిగింది. ఈ రంగం నుంచి ఫీల్ గుడ్ మూవీస్ ఎక్కువ‌గా వ‌చ్చాయి. నెల్సన్ తీసిన జైల‌ర్ , ఉద‌య‌నిధి స్టాలిన్ తీసిన మామ‌న్న‌న్ , ప్ర‌స్తుతం మార్క్ ఆంటోనీ ఆక‌ట్టుకునేలా ఉండ‌డం ఆహ్వానించ ద‌గిన ప‌రిణామం అని చెప్ప‌క త‌ప్ప‌దు.