Manchu Manoj: ఉస్తాద్ అనే టైటిల్ వింటే చాలు ప్రస్తుతం అది పవర్ స్టార్ పవన్ కళ్యాణ్ కు పేటెంట్ రైట్స్ ఇచ్చినంత సౌండ్ తెలుగు రాష్ట్రాల్లో వినిపిస్తోంది. దీనికి కారణం పవన్ కళ్యాణ్-హరీష్ శంకర్ కాంబినేషన్ లో తెరకెక్కుతున్న చిత్రానికి ఉస్తాద్ భగత్ సింగ్ టైటిల్ ను ఖరారు చేయడం. అయితే ఈ ఉస్తాద్ టైటిల్ పై మంచు మనోజ్ కన్ను పడింది. దీనితో ఆయన హోస్ట్ గా వ్యవహరించబోయే ఓ టాక్ షోకు ఉస్తాద్ అనే టైటిల్ ను ఖరారు చేసారు. పీపుల్స్ మీడియా ఫ్యాక్టరీ నిర్మిస్తున్న ఈ టాక్ షో… ప్రముఖ ఓటీటీ ఫ్లాట్ ఫాం ఈటీవీ విన్ వేదికగా స్ట్రీమింగ్ కాబోతుంది.
Manchu Manoj – “ఉస్తాద్..రాంప్ ఆడిద్దాం” టాక్ షో కు హోస్ట్ గా మంచు మనోజ్
గత కొంతకాలంగా సినిమాలకు విరామం ఇచ్చిన నటుడు మంచు మనోజ్(Manchu Manoj)మళ్లీ ట్రాక్‌ ఎక్కారు. ఇప్పటికే వరుణ్ కోరుకొండ దర్శకత్వంలో మనం మనం.. బరంపురం అనే ట్యాగ్ లైన్ తో ‘వాట్‌ ది ఫిష్‌’ అనే సినిమాలో నటిస్తున్నాడు. ఇప్పుడు ప్రేక్షకులకు మరింత చేరువ అయ్యేందుకు టాక్ షోతో రావడానికి సిద్ధమవుతున్నారు. మంచు మనోజ్ వ్యాఖ్యాతగా ప్రముఖ ఓటీటీ ఈటీవీ విన్ వేదికగా ఈ టాక్ షో స్ట్రీమింగ్ కానుంది.
ఇటీవల విడుదలైన ఈ షో ప్రోమోకు మంచి రెస్పాన్స్ వచ్చింది. సుమారు రెండు నిమిషాల నిడివి ఉన్న ఈ ప్రోమోలో మంచు మనోజ్ తన గురించి తాను చెప్పుకున్నారు. రాకింగ్ స్టార్ మళ్లీ రాబోతున్నాడని చెప్పారు. మనోజ్ వాయిస్‌తో కూడిన ఈ ప్రోమో అందరినీ ఆకర్షిస్తోంది. మళ్లీ ఆ గంభీరమైన గొంతును విన్నందుకు ఆనందంగా ఉందని మనోజ్ అభిమానులు కామెంట్లు పెడుతున్నారు.
Also Read : Mega Star Chiranjeevi: చిరంజీవి సరసన త్రిష ?