Malavika Mohanan : తెలుగు చిత్ర పరిశ్రమలోకి అడుగుపెట్టాలన్న సుదీర్ఘ కల ఇప్పటికి నెరవేరిందని హీరోయిన్ మాళవికా మోహనన్(Malavika Mohanan) అన్నారు. ఈ ఎంట్రీ కూడా ఎంతో గ్రాండ్‌గా ఉందని పేర్కొంది. ప్రముఖ సినిమాటోగ్రాఫర్‌ కె.యు. మోహనన్ కుమార్తెగా 2013లో తన మొద‌టి సినిమానే దుల్క‌ర్ స‌ల్యాన్ వంటి స్టార్‌తో నటించి వార్త‌ల్లో నిలిచింది. ఆపై ర‌జ‌నీకాంత్ పేట చిత్రంతో కోలీవుడ్‌లోకి ఎంట్రీ ఇచ్చిన ఈ మలయాళ బ్యూటీ ఆ తర్వాత విజయ్‌తో మాస్ట‌ర్, ధ‌నుష్‌తో మార‌న్, విక్ర‌మ్‌తో తంగలాన్ వంటి హీరోల సరసన నటించి ఆగ్ర క‌థానాయిక గుర్తింపును తెచ్చుకుంది.
Malavika Mohanan Comment
ఆ చిత్రాలన్నీ మంచి విజ‌యం సాధించిన‌ప్ప‌టికీ అందులో ఏ ఒక్క చిత్రం కూడా ఆమెకు సరైన బ్రేక్‌ ఇవ్వలేదు. అదే సమయంలో సినీ అవకాశాలు కూడా ఆశించిన స్థాయిలో రాలేదు. ఈ నేప‌థ్యంలో టాలీవుడ్‌లోకి అడుగుపెట్టేందుకు మాళవిక చేసిన కృషి ఎట్టకేలకు ఫలించింది. తాజాగా ప్రభాస్ హీరోగా తెరకెక్కుతున్న ‘రాజాసాబ్‌’ మూవీలో హీరోయిన్‌గా అవకాశం దక్కించుకుంది. దీనిపై ఆమె స్పందిస్తూ.. ‘సరైన చిత్రం ద్వారా తెలుగులోకి అడుగుపెట్టాలన్న నా చిరకాల కోరిక ఎట్టకేలకు నెరవేరింది. ‘ బిగ్‌బాస్‌’ అవకాశం లభించినప్పటికీ ఈ ఆఫర్‌ కంటే టాలీవుడ్‌లో ఎంట్రీనే నాకు ప్రధానం. ఇంతకంటే గొప్ప డెబ్యూ నాకు లభించదు. ఈ మూవీ కోసం అభిమానుల తరహాలోనే నేను కూడా ఎంతో ఆశగా ఎదురు చూస్తున్నాను’ అని పేర్కొంది.
ఇదిలాఉండ‌గా ఈ అమ్మ‌డు ఈ ఏడాది విక్ర‌మ్ హీరోగా వ‌చ్చిన తంగలాన్ సినిమాలో ఆర‌తి క్యారెక్ట‌ర్‌తో మంచి గ‌ర్తింపు తెచ్చుకుంది. అదేవిధంగా సిద్థాంత్‌ చతుర్వేది సరసన యుద్ర అనే హిందీ సినిమాలో కాస్త బోల్డ్‌గా నటించి బాలీవుడ్‌లోనూ తన అదృష్టం ప‌రీక్షించుకున్నా ఫ‌లితం ద‌క్క‌లేదు. దీతో ఈ ముద్ద‌గుమ్మ మాళవికా మోహనన్(Malavika Mohanan) ఆశ‌ల‌న్నీ ఇప్పుడు టాలీవుడ్‌, ప్రభాస్ రాజా సాబ్, కార్తి స‌ర్దార్ 2 సినిమాల‌పైనే ఉన్నాయి.
Also Read : Dhanush : ధనుష్ దర్శకత్వంలో అరుణ్ విజయ్ హీరోగా నయా ప్రాజెక్ట్