Mahesh-Ranbir : ఇండియన్ సినిమా ఇండస్ట్రీలో ప్రస్తుతం ‘యానిమల్’ సినిమా ఫీవర్ కొనసాగుతోంది. అర్జున్ రెడ్డి ఫేం సందీప్ రెడ్డి వంగా దర్శకత్వంలో రణ్‌బీర్‌ కపూర్(Ranbir Kapoor), రష్మిక హీరోహీరోయిన్లుగా అనిల్ కపూర్, బాబీ డియోల్ ప్రధాన పాత్రలో తెరకెక్కిన ఈ సినిమా ‘యానిమల్’. హైదరాబాద్ వేదిక నిర్వహించిన ప్రీ రిలీజ్ ఈవెంట్ కు సూపర్ స్టార్ మహేష్ బాబు, దర్శక ధీరుడు రాజమౌళి ముఖ్య అతిధిగా హాజరయ్యారు. అయితే ఈ ప్రీ రిలీజ్ ఈవెంట్ కు ముందు నిర్వహించిన ప్రెస్ మీట్ లో దర్శకుడు సందీప్ వంగా ఆశక్తికరమైన వ్యాఖ్యలు చేసారు. దీనితో దర్శకుడు సందీప్ వంగా చేసిన వ్యాఖ్యలు ఇప్పుడు నెట్టింట వైరల్ గా మారుతున్నాయి.
Mahesh-Ranbir – మహేష్ బాబుతో సందీప్ సినిమా ?
ఈ సందర్భంగా మహేష్ తో చేయాలనుకున్న ‘యానిమల్’ ఎందుకు మిస్సయింది అని జర్నలిస్టులు అడిగిన ప్రశ్నకు దర్శకుడు సందీప్ వంగా ఆశక్తికరమైన వివరాలు వెల్లడించారు. మహేష్ తో యానిమల్ సినిమా చేయాలనుకున్నట్లు వచ్చిన వార్తల్లో నిజం లేదు అన్నారు. అయితే తాను మహేష్ బాబుకు ‘డెవిల్’ సినిమా కథను చెప్పానన్నారు. యానిమల్ సినిమాలో ఇప్పటివరకు మీరు చూసిన వయలెన్స్ కంటే ‘డెవిల్’ ఇంకా ఎక్కువ ఉంటుంది. అయితే అనివార్య కారణాల వలన ఆ ప్రాజెక్టు పట్టాలెక్కలేదు అన్నారు. అదే సమయంలో రణ్ బీర్ ఈ ‘యానిమల్’ కనెక్ట్ అయ్యాడు అన్నారు.
డిసెంబరు 1 వస్తున్న ‘యానిమల్’
అర్జున్ రెడ్డి ఫేం సందీప్ రెడ్డి వంగా దర్శకత్వంలో రణ్‌బీర్‌ కపూర్, రష్మిక హీరోహీరోయిన్లుగా అనిల్ కపూర్, బాబీ డియోల్ ప్రధాన పాత్రలో రూపొందిన చిత్రం ‘యానిమల్’. టి-సిరీస్, భద్రకాళి పిక్చర్స్, సినీ1 స్టూడియోస్ సంయుక్తంగా యాక్షన్ ఎంటర్ టైనర్ గా నిర్మిస్తున్న ఈ చిత్రం డిసెంబరు 1న విడుదల కానుంది. ఇటీవల సెన్సార్ పూర్తి చేసుకుని ‘A’ సర్టిఫికెట్ పొందిన ఈ సినిమా… ఇటీవల కాలంలో విడుదలైన భారీ నిడివి (రన్ టైం/డ్యూరేషన్) గల చిత్రంగా రికార్డు సృష్టించింది.
Also Read : Sumanth: ఆశక్తి రేపుతున్న సుమంత్ ‘మహేంద్రగిరి వారాహి’ గ్లింప్స్