హ‌ర్ష‌వ‌ర్ద‌న్ ద‌ర్శ‌క‌త్వంలో సుధీర్ బాబు న‌టించిన మామా మ‌శ్చీంద్ర చిత్రానికి సంబంధించిన ట్రైల‌ర్ విడుద‌లైంది. ప్ర‌స్తుతం ఫ్యాన్స్ ను ఆక‌ట్టుకునేలా చేసింది. శ్రీ వెంక‌టేశ్వ‌ర సినిమాస్ ఎల్ఎల్పీ పై సునీల్ నారంగ్ , రామ్ మోహ‌న్ రావు ఈ సినిమాను నిర్మించారు.
మామా మ‌శ్చీంద్రా మూవీ ట్రైల‌ర్ ను లాంచ్ చేశారు ప్రిన్స్ మ‌హేష్ బాబు. సుధీర్ బాబుకు ఈ సినిమా అదృష్టంగా మారుతుంద‌న‌డంలో సందేహం లేద‌న్నారు. ద‌ర్శ‌కుడు ఫుల్ ఫోక‌స్ పెట్టారని పేర్కొన్నారు. తాను సినిమాను చూశాన‌ని ప్ర‌తి ఒక్క‌రికి న‌చ్చుతుంద‌న్న న‌మ్మ‌కం త‌న‌కు ఉంద‌న్నారు మ‌హేష్ బాబు.
సినిమా ట్రైల‌ర్ సూప‌ర్ గా ఉంద‌ని కితాబు ఇచ్చారు. రాబోయే రోజుల్లో సుధీర్ బాబు మ‌రిన్ని సినిమాల‌లో న‌టించ‌డం ఖాయ‌మ‌న్నారు. ఈ చిత్రంలో సుధీర్ తో పాటు మిర్నాళిని రవి, ఈషా రెబ్బా న‌టించారు. హ‌ర్ష‌వ‌ర్ద‌న్ ద‌ర్శ‌కుడు కూడా కీలక పాత్ర పోషించారు.
పీజీ విందా మాయా మ‌శ్చీంద్రాకు సినిమాటోగ్ర‌ఫీ అందించ‌గా చైత‌న్ భ‌ర‌ద్వాజ్ బ్యాగ్ గ్రౌండ్ స్కోర్ మ్యూజిక్ అందించారు. తెలుగు, హిందీ భాష‌ల్లో రూపొందించారు ద‌ర్శ‌కుడు హ‌ర్ష వర్ద‌న్. అక్టోబ‌ర్ 6న మామా మ‌శ్చీంద్రా చిత్రం విడుద‌ల కానుంది. త‌న‌కు సినిమా జీవితం ఇచ్చిన సూప‌ర్ స్టార్ కృష్ణ‌కు పాదాభివంద‌నాలు తెలియ చేసుకుంటున్న‌ట్లు చెప్పారు సుధీర్ బాబు.