Mad Square: యంగ్‌ టైగర్‌ ఎన్టీఆర్ బావమరిది నార్నే నితిన్, సంతోష్‌ శోభన్ తమ్ముడు సంగీత్ శోభన్, గౌరీ ప్రియా రెడ్డి ప్రధాన పాత్రల్లో నటించిన చిత్రం ‘మ్యాడ్(Mad)’. గతేడాదిలో విడుదలైన ఈ సినిమా భారీ విజయాన్ని అందుకుంది. ఇప్పుడు ‘మ్యాడ్ స్క్వేర్‌’ పేరుతో సీక్వెల్‌ రానుంది. తాజాగా ఈ చిత్రం నుంచి ఫస్ట్‌ సాంగ్‌ను మేకర్స్‌ విడుదల చేశారు. ‘లడ్డు గాని పెళ్లి’ అంటూ సాగే ఈ సాంగ్‌ ప్రేక్షకులను అలరిస్తుంది. మ్యాడ్ సినిమాతో ప్రముఖ నిర్మాత సూర్యదేవర నాగవంశీ సోదరి హారిక నిర్మాణ రంగంలోకి అడుగుపెట్టారు. ఇప్పుడు సీక్వెల్‌ను కూడా హారిక, సాయి సౌజన్య సంయుక్తంగా నిర్మిస్తున్నారు. కల్యాణ్‌ శంకర్‌ దర్శకత్వం వహిస్తున్నారు.
Mad Square Movie Updates
‘మ్యాడ్’ సినిమాతో దర్శకుడిగా తొలి అడుగులోనే సినీప్రియుల్ని మెప్పించారు కల్యాణ్‌ శంకర్‌. ఇప్పుడాయన రెండో ప్రయత్నంగా ‘మ్యాడ్ స్క్వేర్‌’తో అలరించేందుకు సిద్ధమవుతున్నారు. నార్నె నితిన్, సంగీత్ శోభన్, రామ్‌ నితిన్ ప్రధాన పాత్రల్లో నటిస్తున్న ఈ సినిమాలోని తొలి గీతాన్ని శుక్రవారం విడుదల చేశారు. ‘‘లడ్డు గాని పెళ్లి.. ఇగ చూస్కో లొల్లీ లొల్లీ’’ అంటూ హుషారుగా సాగుతున్న ఈ మాస్‌ పాటకు భీమ్స్‌ సిసిరోలియో స్వరాలు సమకూర్చడంతో పాటు మంగ్లీతో కలిసి స్వయంగా ఆలపించారు. కాసర్ల శ్యామ్‌ సాహిత్యమందించారు. త్వరలో మరిన్ని వివరాలు వెల్లడిస్తాం’’ అని చిత్ర వర్గాలు తెలిపాయి.
ఎన్టీఆర్ బావమరిదిగా టాలీవుడ్ లో ఎంట్రీ ఇచ్చిన నార్నె నితిన్… వరుస హిట్లతో దూసుకుపోతున్నారు. మ్యాడ్, ఆయ్ వంటి యూత్ ఫుల్ ఎంటర్టైనర్ చిత్రాల హిట్‌తో సక్సెస్‌ ఫుల్ హీరోగా దూసుకుపోతున్న నార్నె నితిన్… ఇదే ఊపుతో హ్యాట్రిక్‌పై కన్నేసి జాతీయ అవార్డు విన్నర్, ‘శతమానం భవతి’ దర్శకుడు సతీష్ వేగేశ్న దర్శకత్వంలో ‘శ్రీ శ్రీ శ్రీ రాజావారు’ సినిమాలో నటిస్తున్నారు. ఇది ఇంకా సెట్స్ పై ఉండగానే… ‘మ్యాడ్ స్క్వేర్‌’ షూటింగ్ శరవేగంగా పూర్తి చేస్తున్నారు.
Also Read : Pranitha: తిరుమల లడ్డూ వివాదంపై స్పందించిన పవన్ కళ్యాణ్ బ్యూటీ ప్రణీత !