Love Me: యంగ్ హీరో ఆశిష్, బేబి మూవీతో ఫేమ్ తెచ్చుకున్న వైష్ణవి చైతన్య జంటగా నటించిన చిత్రం ‘లవ్ మీ(Love Me)’. ఇఫ్‌ యూ డేర్ అనేది సబ్ టైటిల్‌. మే 25న ఈ మూవీ థియేటర్ల రిలీజై పాజిటివ్‌ టాక్‌ ను సొంతం చేసుకుంది. అయితే బాక్సాఫీస్ వద్ద ప్రేక్షకుల అంచనాలను అందుకోలేకపోయింది. హార్రర్ రొమాంటిక్ సినిమాగా దర్శకుడు అరుణ్ భీమవరపు దీనిని తెరకెక్కించారు. ఈ సినిమాని దిల్‍రాజు ప్రొడక్షన్స్ బ్యానర్‌పై హర్షిత్ రెడ్డి, హన్షిత రెడ్డి, నాగ మల్లిడి నిర్మించారు.
Love Me OTT Updates
థియేటర్లలో మిస్ అయి ఓటీటీ రిలీజ్ కోసం ఆశక్తిగా ఎదురుచూస్తున్న ప్రేక్షకులకు చిత్ర యూనిట్ గుడ్ న్యూస్ చెప్పింది. ఈ సినిమాను త్వరలో ఓటీటీలో రిలీజ్ చేస్తున్నట్లు ప్రకటించింది. త్వరలోనే అమెజాన్ ప్రైమ్‌ స్ట్రీమింగ్ కానున్నట్లు మేకర్స్ తన సోషల్ మీడియా ఎక్స్‌ వేదికగా ప్రకటించారు. అయితే ఎప్పటి నుంచి స్ట్రీమింగ్ అవుతుందనే విషయాన్ని మాత్రం వెల్లడించలేదు. ఈ వీకెండ్‌లో స్ట్రీమింగ్ అయ్యే అవకాశమున్నట్లు తెలుస్తోంది. త్వరలోనే తేదీని ప్రకటించే అవకాశముంది. కాగా.. దెయ్యాన్ని ప్రేమిస్తే ఎలా ఉంటుందో అనే ఇంట్రెస్టింగ్ కాన్సెప్ట్‌తో ఈ మూవీ తెరకెక్కించారు. ఈ చిత్రంలో రవికృష్ణ, సిమ్రన్ చౌదరి, సంయుక్త మీనన్, రాజీవ్ కనకాల ప్రధాన పాత్రలు పోషించారు.
Also Read : Darshan Thoogudeepa: మర్డర్ కేసులో సినిమా కష్టాలు అనుభవిస్తున్న కన్నడ హీరో !