త‌మిళ సినీ రంగంలో ఇప్పుడు జోసెఫ్ విజ‌య్ క్రేజ్ న‌డుస్తోంది. ఇప్ప‌టికే ర‌జ‌నీకాంత్ న‌టించిన జైల‌ర్ దుమ్ము రేపింది. స‌న్ పిక్చ‌ర్స్ కు ఊహించ‌ని లాభాల‌ను తీసుకు వ‌చ్చింది. తాజాగా డైన‌మిక్ డైరెక్ట‌ర్ లోకేష్ క‌న‌గ‌రాజ్ ద‌ర్శ‌క‌త్వం వ‌హించిన లియో రిలీజ్ కానుంది. ఇందులో త‌ళ‌ప‌తి జోసెఫ్ విజ‌య్ న‌టిస్తున్నాడు. ఆయ‌న‌కు తోడుగా త్రిష కృష్ణ‌న్ న‌టిస్తోంది.
లియో చిత్రంపై భారీ అంచ‌నాలు నెల‌కొన్నాయి. జోసెఫ్ ఫ్యాన్స్ ఎంతో ఉత్కంఠ‌తో ఎదురు చూస్తున్నారు. త‌న మ్యూజిక్ తో మ్యాజిక్ చేస్తున్న అనిరుధ్ ర‌విచంద‌ర్ మ‌రోసారి లోకేష్ పిక్చ‌ర్ కు మ్యూజిక్ ఇవ్వ‌డం విశేషం. ఇక లియో మూవీకి సంబంధించి విడుద‌ల చేసిన పోస్ట‌ర్స్ సెంట‌ర్ ఆఫ్ అట్రాక్ష‌న్ గా మారాయి. సోష‌ల్ మీడియాను షేక్ చేస్తున్నాయి.
తాజాగా మూవీ మేక‌ర్స్ లియో సినిమాకు సంబంధించి ట్రైల‌ర్ విడుద‌ల చేసింది. మిలియ‌న్ల కొద్దీ వ్యూస్ తో దూసుకు పోతోంది.
ప్ర‌త్యేకించి త‌మిళ మూవీ రంగంలో అత్య‌ధిక ఫ్యాన్ ఫాలోయింగ్ ఉన్న అతి కొద్ది మంది న‌టుల్లో జోసెఫ్ విజ‌య్ ఒక‌రు. ఈ చిత్రానికి ప్ర‌ధాన ఆక‌ర్ష‌ణ‌గా నిల‌వ‌నున్నారు బాలీవుడ్ సీనియ‌ర్ న‌టుడు సంజ‌య్ ద‌త్. ఇద్ద‌రి మ‌ధ్య పోరాట స‌న్నివేశాలు మ‌రో రేంజ్ కు తీసుకు వెళ్లేలా ఉన్నాయి.