ఎల్బీ శ్రీ‌రామ్ గురించి ప‌రిచ‌యం చేయాల్సిన ప‌ని లేదు. చేయి తిరిగిన ర‌చ‌యిత. మంచి ఆలోచ‌నా ప‌రుడు. అంతే కాదు స‌హ‌జ సిద్ద‌మైన న‌ట‌న‌కు పేరు పొందారు. ఈ మధ్య ఎక్కువ‌గా ఆలోచింప చేసే క‌థ‌ల‌తో ముందుకు వ‌స్తున్నాడు ఎల్బీ శ్రీ‌రామ్.
ప్ర‌స్తుతం సినిమా రంగంలో ఛాన్స్ లు రాని వాళ్లకు ఇప్పుడు అద్భుత‌మైన వేదిక‌గా మారి పోయింది యూట్యూబ్ తో పాటు ఓటీటీ ప్లాట్ ఫార‌మ్స్. మంచి టాలెంటి ఉండ‌డ‌మే కాదు డిఫ‌రెంట్ కాన్సెప్ట్ తో ముందుకు వ‌చ్చే వాళ్లకు బ్ర‌హ్మ‌ర‌థం ప‌డుతున్నారు.
డిఫ‌రెంట్ క‌థ‌ల‌తో న‌టిస్తూ షార్ట్ ఫిలింలు తీస్తూ వ‌స్తున్నారు ఎల్బీ శ్రీ‌రామ్. తాజాగా లైఫ్ లో ఇగో కార‌ణంగా విడి పోదామ‌ని అనుకున్న జంట మధ్య ఎలా రాజీ కుద‌ర్చ‌కుండానే క‌లిపాడ‌నే దాని ప్రాతిప‌దిక‌గా తీసుకుని తీసిన షార్ట్ ఫిలిం లాయ‌ర్ ఎల్బీ ఎల్ఎల్బీ .
ఇందులో లాజిక్ లు ఉన్నాయి. అంత‌కంటే ఎక్కువ‌గా పంచ్ లు కూడా కావాల్సిన‌వ‌న్నీ ఉన్నాయి. ఇక యూట్యూబ్ లో మోస్ట్ పాపుల‌ర్ యూట్య‌బ‌ర్ గా పేరు పొందిన జ‌ర్న‌లిస్ట్ అంజ‌లి ఇందులో న‌టించింది. ఆమెతో పాటు స‌తీష్ సారిప‌ల్లి, వినీత్ పాల‌డుగు, సౌమ్య ఇత‌ర పాత్ర‌ల్లో చేశారు. శామ్ మ‌ద‌ర‌వేణ లాయ‌ర్ ఎల్బీ ఎల్ఎల్బీ ని తీశాడు. మంచి భ‌విష్య‌త్తు ఉంది అత‌డికి.