Lal Salaam Teaser : ఎవ‌రీ మొయిద్దీన్ భాయ్ అనుకుంటున్నారా గ్యాంగ్ స్ట‌ర్ పేరు లాగా ఉంది క‌దూ. త‌మిళ సినీ న‌ట దిగ్గ‌జం త‌లైవా ర‌జ‌నీకాంత్ కీల‌క పాత్ర‌లో న‌టిస్తున్న లాల్ స‌లామ్ చిత్రంలోని పాత్ర పేరు. గ‌తంలో ఎన్న‌డూ లేని రీతిలో సూప‌ర్ స్టార్ ఇందులో క‌నిపించ‌నున్నారు. ఈ చిత్రానికి సంబంధించి ఇప్ప‌టికే విడుద‌ల చేసిన పోస్ట‌ర్స్ దుమ్ము రేపాయి. మంచి ఆద‌ర‌ణ చూర‌గొన్నాయి.
Lal Salaam Teaser Updates
ఈ ఏడాది ప్ర‌త్యేకించి ర‌జ‌నీకాంత్ కు పండ‌గే అని చెప్పొచ్చు. కార‌ణం నెల్స‌న్ దిలీప్ కుమార్ ద‌ర్శ‌క‌త్వం వ‌హించిన జైల‌ర్ సూప‌ర్ డూప‌ర్ హిట్. ఏకంగా రూ. 650 కోట్ల‌కు పైగా క‌లెక్ష‌న్స్ సాధించింది. ఈ దేశంలో అత్య‌ధిక పారితోష‌కం తీసుకునే న‌టుడిగా చ‌రిత్ర సృష్టించాడు త‌లైవా ర‌జ‌నీకాంత్.
మ‌రో వైపు జ్ఞాన వేల్ ద‌ర్శ‌క‌త్వంలో సినిమా చేస్తున్నాడు. ఇంకో వైపు స్టార్ డైరెక్ట‌ర్ లోకేష్ క‌న‌గ‌రాజ్ తో మ‌రో సైన్మాకు ఓకే చెప్పాడు. తాజాగా దీపావ‌ళి పండుగ‌ను పుర‌స్క‌రించుకుని ర‌జ‌నీకాంత్ న‌టించిన లాల్ స‌లామ్(Lal Salaam) మూవీకి సంబంధించి టీజ‌ర్ విడుద‌ల చేశారు. భారీ ఎత్తున వ్యూస్ వ‌స్తున్నాయి దీనికి. మేకింగ్, టేకింగ్ లో త‌న‌దైన మేన‌రిజంను ప్ర‌ద‌ర్శించేలా చూశాడు సూప‌ర్ స్టార్.
ర‌జ‌నీ కూతురు ఐశ్వ‌ర్య ద‌ర్శ‌క‌త్వం వ‌హిస్తుండ‌డం విశేషం. ఇందులో ర‌జ‌నీకాంత్ తో పాటు విష్ణు విశాల్ , విక్రాంత్ న‌టిస్తుండ‌గా భార‌త క్రికెట్ జ‌ట్టు మాజీ కెప్టెన్ క‌పిల్ దేవ్ మ‌రో పాత్ర‌లో క‌నిపిస్తుండ‌డంతో ఈ సినిమాపై మ‌రింత ఆస‌క్తి రేపుతోంది. ఏ ఆర్ రెహ‌మాన్ సంగీతం అందిస్తున్నాడు.
Also Read : Salaar Movie Trailer : స‌లార్ మూవీ ట్రైల‌ర్ డేట్ ఫిక్స్