Sharathulu Varthisthai: స్టార్ లైట్ స్టూడియోస్ బ్యానర్‌ పై నాగార్జున్ సామల, శ్రీష్ కుమార్ గుండా, డా. కృష్ణకాంత్ చిత్తజల్లు సంయుక్తంగా నిర్మించిన సినిమా ‘షరతులు వర్తిస్తాయి’. చైతన్య రావు, భూమి శెట్టి, నంద కిషోర్ ప్రధాన పాత్రల్లో నటించిన ఈ సినిమాకు కుమార స్వామి (అక్షర) దర్శకత్వం వహించారు. మార్చి 15న విడుదల కాబోయే ఈ సినిమాకు సంబంధించిన ‘‘తురుమై వచ్చేయ్‌.. మెరుపై తెచ్చేయ్‌’’ అనే గీతాన్ని మాజీ మంత్రి, బీఆర్ఎస్ వర్కింగ్ ప్రెసిడెంట్ కేటీఆర్(KTR) విడుదల చేశారు. అరుణ్‌ చిలువేరు స్వరాలు సమకూర్చిన ఈ పాటకు పసునూరి రవీందర్‌ సాహిత్యమందించగా… ఎంఎల్‌ఆర్‌ కార్తికేయన్ ఆలపించారు.
Sharathulu Varthisthai
ఈ సందర్భంగా కేటీఆర్ మాట్లాడుతూ.. ‘‘కరీంనగర్‌ నేపథ్యంగా సినిమా చేయడం సంతోషకరం. తెలంగాణ నేపథ్యంగా మరిన్ని చిత్రాలు రావాలని ఆశిస్తున్నా’’ అన్నారు. దర్శకుడు కుమారస్వామి మాట్లాడుతూ… ‘‘సమస్యలకు వెరవకుండా ఎదిరించి నిలవాలనే స్ఫూర్తిని అందించేలా ఈ పాటను రూపొందించాం’’ అన్నారు.
Also Read : Family Star : విజయ్ ‘ఫ్యామిలీ స్టార్’ నుంచి విరాలవుతున్న సెకండ్ సింగల్ ప్రోమో..