కజిన్ ట్విన్స్ ను కలుసుకున్న మెగా మనుమరాలు క్లీంకారా !
గ్లోబల్ స్టార్ రామ్ చరణ్, ఉపాసన దంపతుల గారాల పట్టి క్లీంకారా. క్లీంకారా మెగాస్టార్ ఇంట అడుగుపెట్టిన వేళావిశేషం ఏంటో గాని… ఆ ఇంట్లో వరుసగా అవార్డుల పంట పండుతోంది. క్లీంకారా పుట్టిన తొలిరోజుల్లోనే రామ్ చరణ్ నటించిన ఆర్ఆర్ఆర్… ఆస్కార్ అవార్డుకు ఎంపికైయింది. మరికొన్ని రోజులకు అల్లు అర్జున్ ను పుష్ఫ సినిమాకు గాను జాతీయ ఉత్తమ నటుడు అవార్డు లభించింది. ఆ సంతోషం నుండి ఇంకా మెగా ఫ్యామిలీ బయటకు రాకముందే… కేంద్ర ప్రభుత్వం మెగాస్టార్ చిరంజీవిని… దేశంలో రెండో అత్యున్నత పౌర పురస్కారం పద్మవిభూషణ్ వరించింది. దీనితో క్లీంకారా ఏం చేసినా… ఎక్కడికి వెళ్ళినా… మెగా ఫ్యామిలీలో సందడి వాతావరణం నెలకొంది. ఈ నేపథ్యంలో రామ్ చరణ్, ఉపాసన దంపతుల గారాల పట్టి క్లీంకారా… తన ట్విన్ కజిన్స్ అంటే… ఉపాసన సోదరి అనుష్పాల దంపతులకు జన్మించిన కవల పిల్లను కలుసుకుంది. దీనితో ఉపాసన తన సోషల్ మీడియా ఎక్స్ లో పోస్ట్ చేసిన ఫోటోలు ఇప్పుడు నెట్టింట వైరల్ గా మారుతున్నాయి.
ఉపాసన సోదరి అనుష్పాల… అర్మన్ ఇబ్రహీంను ప్రేమ పెళ్ళి చేసుకుని ఇద్దరు కవల ఆడపిల్లలకు జన్మనిచ్చింది. వారికి ఆరా పుష్ప ఇబ్రహీం, రైకా సుచరత ఇబ్రహీం అని పేర్లు పెట్టారు. ఇటీవల రామ్ చరణ్ దంపతులు, అనుష్పాల దంపతులు కలిసి ఓ వేడుకలో పాల్గొన్నారు. ఈ సందర్భంగా ఉపాసన దంపతులు, అనుష్పాల దంపతులతో పాటు క్లీంకారా, ట్విన్స్ ఆరా పుష్ప ఇబ్రహీం, రైకా సుచరత ఇబ్రహీం కలిసి ఓ ఫోటోకు ఫోజులిచ్చారు. తన సిస్టర్‌ అనుష్పాల ఫ్యామిలీతో కలిసి దిగిన ఫొటోను ఉపాసన తన సోషల్ మీడియాలో పోస్ట్ చేసింది. ఉపాసన తన ఫోటోను పోస్ట్ చేస్తూ ఓ ఆసక్తికర ట్వీట్ కూడా చేసింది. ‘మేము అద్భుతమైన ముగ్గురిని మీకు పరిచయం చేస్తున్నా. వీరంతా పవర్‌ పఫ్‌ గర్ల్స్‌. క్లీంకార తన ఇద్దరు సిస్టర్స్‌ ఆరా పుష్ప ఇబ్రహీం, రైకా సుచరత ఇబ్రహీంలతో కలిసిపోయింది.’ అంటూ పోస్ట్ చేసింది. ఇది చూసిన మెగా ఫ్యాన్స్… ‘క్యూట్‌’, ‘బ్యూటీఫుల్’ అంటూ కామెంట్లు పెడుతున్నారు.