ఈ మ‌ధ్య‌న ఫ్యామిలీ ఓరియెంటెడ్ సినిమాల‌కు ప్ర‌యారిటీ పెరుగుతోంది. గ‌తంలో హీరోలు, హీరోయిన్ల‌కు య‌మ క్రేజీ ఉండేది. కానీ సీన్ మారింది. టెక్నాల‌జీ మార‌డంతో పూర్తిగా ప్రేక్ష‌కుల్లో సైతం మార్పు చోటు చేసుకుంది. కేవ‌లం క‌థ ప్రాధాన్య‌త ఉండే చిత్రాలు, సీరియ‌ల్స్, షార్ట్ ఫిలింలు, బ‌యో పిక్ ల‌నే ఆద‌రిస్తున్నారు. వాటినే నెత్తికి ఎక్కించు కుంటున్నారు.
ఎంత పెద్ద హీరో అయినా, ఎంత బ్యాక్ గ్రౌండ్ ఉన్నా ప‌క్క‌న పెట్టేస్తున్నారు. ఇందుకు ఉదాహ‌ర‌ణ కొర‌టాల శివ తీసిన ఆచార్య. అట్ట‌ర్ ప్లాప్ అయ్యింది. ఇందులో మెగాస్టార్ చిరంజీవి, త‌న‌యుడు చెర్రీ న‌టించినా డోంట్ కేర్ అన్నారు. ఇక భోళా శంక‌ర్ కూడా బోల్తా ప‌డింది.
ఇది ప‌క్క‌న పెడితే కామెడీని ఎక్కువ‌గా ఆద‌రిస్తున్నారు. తాజాగా విడుద‌లైన మ్యాడ్ సూప‌ర్ క‌లెక్ష‌న్స్ తో దూసుకు పోతోంది. ఇదిలా ఉండ‌గా ప్ర‌స్తుతం ప్ర‌ముఖ న‌టుడు స‌త్య దేవ్ రిలీజ్ చేశాడు కిస్మ‌త్ మూవీకి సంబంధించిన ఫ‌స్ట్ లుక్ ను. ఇది పూర్తిగా వినోదాన్ని పంచేలా ఉంది.
శ్రీ‌నాథ్ బాదినేని ద‌ర్శ‌క‌త్వం వ‌హించారు. ఇందులో నరేష్ అగ‌స్త్య, అవ‌స‌రాల శ్రీ‌నివాస్ , అభిన‌వ్ గోమ‌ఠం, విశ్వ దేవ్ న‌టించారు. రియా సుమ‌న్ హీరోయిన్ గా చేస్తోంది. మూవీ మేక‌ర్స్ ప్ర‌మోష‌న్స్ ను స్టార్ట్ చేశారు. సినిమాకు సంబంధించి షూటింగ్ పూర్త‌యింది. పోస్ట్ ప్రొడ‌క్ష‌న్ లో ఉంది. దీనికి మార్క్ కె రాబిన్ సంగీతం అందించారు.