Khans Trio Dance: భారతీయ చలన చిత్ర పరిశ్రమలో ముఖ్యంగా బాలీవుడ్ లో ఖాన్స్ త్రయం షారూక్ ఖాన్(Shah Rukh Khan), అమీర్ ఖాన్, సల్మాన్ ఖాన్ ల గురించి ప్రత్యేకంగా చెప్పాల్సిన అవసరం లేదు. వీరు ముగ్గురిని ఒకే సినిమాలో లేదా ఒకే స్టేజ్ మీద చూడటం అంటే అభిమానులకే కాదు… సెలబ్రెటీలకు కూడా నయనానందకరం. అయితే అలాంటి అరుదైన దృశ్యానికి వేదికైంది జామ్ నగర్. గుజరాత్ లోని జామ్ నగర్ వేదికగా జరుగతున్న భారత కుబేరుడు, రిలయన్స్ ఇండస్ట్రీస్ అధినేత ముకేష్ అంబానీ చిన్న కుమారుడు అనంత అంబానీ, రాధికా మర్చంట్ ల ప్రీ వెడ్డింగ్ వేడుకల్లో ఈ ఖాన్స్ త్రయం స్టెప్పులేసి… పెళ్లి వేడుక అతిరధమహారధుల్లో ఉత్సాహం నింపింది. షారూక్ ఖాన్, అమీర్ ఖాన్, సల్మాన్ ఖాన్ ముగ్గురు కలిపి ఆస్కార్ అవార్డు దక్కించుకున్న ఆర్ఆర్ఆర్ సినిమాలో నాటు నాటు పాటకు స్టెప్పులు వేసారు. ప్రస్తుతం ఖాన్స్ త్రయం వేసిన స్టెప్పులు సోషల్ మీడియాను షేక్ చేస్తున్నాయి.
Khans Trio Dance Viral
గుజరాత్ లోని జామ్ నగర్ వేదికగా అనంత్ అంబానీ, రాధికా మర్చంట్ ల ప్రీ వెడ్డిండ్ వేడుకలు జరుగుతున్నాయి. ఈ వేడుకులకు ప్రపంచ వ్యాప్తంగా ఉన్న వ్యాపార, రాజకీయ, సినీ ప్రముఖులు హాజరయ్యారు. ఈ వేడుకల్లో బాలీవుడ్ నటులు షారూక్ ఖాన్, అమీర్ ఖాన్, సల్మాన్ ఖాన్, రణవీర్ సింగ్, దీపికా పదుకొణే, రామ్ చరణ్… అంతర్జాతీయ ప్రముఖులు పాప్ సింగర్ రిహన్నా, అమెరికన్ గాయని, గేయ రచయిత జే బ్రౌన్, వాయిద్యాకారుడు బాసిస్ట్ ఆడమ్ బ్లాక్‌స్టోన్ సందడి చేశారు. ఈ వేడుకల్లో ఖాన్స్ త్రయం నాటు నాటు పాట స్టెప్పులు వేస్తూ… ఒకే ఫ్రేమ్‌లో చాలా రోజుల తర్వాత కనిపించడంతో బాలీవుడ్ సినీ అభిమానులు సంతోషిస్తున్నారు. వారి ముగ్గురిని ఒకే స్టేజీపై కలపగల వ్యక్తి అంబానీ మాత్రమే అంటూ ఫ్యాన్స్‌ కామెంట్లు చేస్తున్నారు.
Also Read : Ramayan: శ్రీరామనవమి రోజున ‘రామాయణ’ ప్రకటన ?