Keerthy Suresh: కోలీవుడ్ నటుడు జయం రవి, కీర్తి సురేష్‌(Keerthy Suresh), అనుపమ పరమేశ్వరన్‌ ప్రధాన పాత్రల్లో తెరకెక్కించిన తాజా సినిమా ‘సైరెన్‌’. యాక్షన్‌ ప్యాక్డ్‌ ఎమోషనల్‌ డ్రామా గా రూపొందించిన ఈ సినిమాకు 108… అనేది ఉపశీర్షిక. పోలీసు అధికారి పాత్రలో కీర్తి సురేశ్‌ కనిపించనుండగా… జీవీ ప్రకాష్ కుమార్ ఈ సినిమాకు సంగీతం అందిస్తున్నారు. ఆంటోని భాగ్యరాజ్ దర్శకత్వంలో తెరకెక్కించిన ఈ సినిమాను మొదట ఓటీటీలో రిలీజ్ కానుందంటూ ప్రచారం జరిగింది.
అయితే చిత్ర యూనిట్ మాత్రం ఈ సినిమాను నేరుగా థియేటర్లలోనే విడుదల చేయడానికి ఏర్పాట్లు పూర్తి చేసింది. ‘అంబులెన్స్‌ డ్రైవర్‌ గా పనిచేసిన ఓ వ్యక్తి క్రిమినల్‌ గా మారిన కథ’గా థ్రిల్లింగ్‌ కథనంతో వస్తున్న ఈ ‘సైరెన్‌’ సినిమాను ఫిబ్రవరి 16న తెలుగు, తమిళ భాషల్లో విడుదల చేస్తున్నట్లు చిత్ర యూనిట్ అధికారికంగా ప్రకటించింది. అంతేకాదు దీనికి సంబంధించిన ఓ ఆశక్తికరమైన పోస్టర్ ను కూడా తమ అఫీషియల్ సోషల్ మీడియా వేదికగా పోస్ట్ చేసింది. ప్రస్తుతం ఈ పోస్టర్ నెట్టింట వైరల్ గా మారుతోంది.
Keerthy Suresh – ‘సైరెన్‌’ కథేమిటంటే ?
ప్రేమ పెళ్లి చేసుకొని చిన్న కుటుంబంతో అందమైన జీవితాన్ని గడుపుతూ అంబులెన్స్‌ డ్రైవర్‌ గా పనిచేస్తుంటాడు ఓ వ్యక్తి. అనుకోకుండా తను హంతకుడిగా మారి జైలుకి వెళ్ళాల్సి వస్తుంది. 14ఏళ్ల జైలు జీవితం అనుభవించిన తరువాత బయటికి వస్తాడు. ప్రాణాలు కాపాడే ఆ డ్రైవర్‌ ఎందుకు జైలుకి వెళ్తాడు ? తిరిగొచ్చాక ఆయన ఎదుర్కొన్న పరిస్థితులు ఏమిటి ? అన్న కథనంతో సాగిన ‘సైరెన్‌’ ట్రైలర్‌ ప్రేక్షకుల్ని ఆకట్టుకుంటుందని చిత్ర దర్శకుడు ఆంటోని భాగ్యరాజ్ తెలిపారు.
Also Read : John Abraham: జూలై 12న జాన్‌ అబ్రహాం ‘వేదా’ !